Koronavırýs: Almatyda jańa modýldik aýrýhananyń qurylysy bastaldy

ALMATY. QazAqparat – Almatyda koronavırýsqa shaldyqqan naýqastardy emdeýge arnalǵan jańa modýldik aýrýhananyń qurylysy bastaldy. Bul týraly Іnstagram-paraqshasynda qala ákimi Baqytjan Saǵyntaev jazdy, dep habarlaıdy QazAqparat tilshisi.
«COVID-19-ǵa qarsy is-qımyl, sharalar aıasynda oryn sanyn arttyryp, qýattylyqty kúsheıtýdi jalǵastyramyz. Bul rette 300 tósek-orynǵa arnalǵan (onyń 30-y reanımatsııalyq) ekinshi modýldik juqpaly aýrýlar aýrýhanasynyń qurylysy bastaldy. Medıtsınalyq mekeme medıtsınalyq gaz júıesimen, sondaı-aq KT, ÝDZ jáne rentgen apparattarymen qamtamasyz etilmek», - dedi ákim.
B.Saǵyntaevtyń aıtýynsha, gospıtal tolyǵymen tsıfrlyq negizde, ıaǵnı tekserý - baılanyssyz ádispen, al baqylaý beınebaılanys arqyly júrgiziledi. Avtomattandyrylǵan júıe naýqastyń jaǵdaıyn jedel baqylaýǵa, sondaı-aq «jasyl» jáne «qyzyl» aımaqtar boıynsha qyzmetkerlerdiń qozǵalysyn baqylaýǵa múmkindik beredi.
Aıta ketý kerek, bul Almatydaǵy ekinshi gospıtal bolmaq. Birinshisi 18 kúnde salynyp, 24 sáýirde paıdalanýǵa berilgen bolatyn.
- Áskerı qyzmetshiler arasynda COVID-19 juqtyrý jaǵdaıy 16% tómendedi
- Dollar baǵamy kóterildi
- Mahambet Dosmuhambetov Atyraý oblysyndaǵy epıdahýalǵa qatysty esep berdi
- Erlan Turǵymbaev mobıldi toptary álsiz jumys júrgizip jatqan óńirlerdi atady
-
Qostanaı oblysynda dinı nysandardyń qyzmeti ýaqytsha toqtatyldy
-
Karantın talaptaryn buzý derekteriniń jartysynan kóbi Túrkistan oblysynda tirkelgen
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam