+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Koronavırýs: Álemdegi ahýal qandaı

2020 jylǵy 16 shilde 20:18
Bólisińiz:
Koronavırýs: Álemdegi ahýal qandaı

NUR-SULTAN. QazAqparat – Dúnıejúzilik densaýlyq saqtaý uıymynyń (DDSU) 16 shildedegi jaǵdaıdy taldaǵan málimeti boıynsha álemde koronavırýsty juqtyrýdyń 187 719 jańa jaǵdaıy tirkelgen. Osylaısha 13 338 364 adam koronavırýs ınfektsııasyn juqtyrǵan. Ókinishke qaraı, pandemııa 579 myńnan astam adamnyń ómirin jalmady. Búgin álem elderiniń koronavırýs indetimen qalaı kúresip jatqanyn sholyp kórmekpiz.

Uqsas jańalyqtar

Izraıl densaýlyq saqtaý mınıstri ıÝlıı Edelshteın Izraılge eldi tolyqtaı jaýyp tastaýdan ǵaıyptan taıyp bir ǵajaıyp kelip qutqarmasa, basqa jol joq ekenin jarııa etti. Izraıldik Yedioth Ahronoth Izraıl gazetiniń jazýynsha, ıÝlıı Edelshteın eldiń jabýdan basqa amaldy bilmeıdi. Sebebi kún saıyn 2 myń adamnyń KVI-di juqtyrýy ol eldegi ahýaldy kúrdelendirip barady.

Edelshteın ókpeni jasandy jeldetý apparattaryna muqtajdyq artyp, aq halattylardyń bári de COVID-19 indetine qarsy kúreske jumylǵanyn rastady.

«Men shekteý sharalarynyń múmkindigine senbeımin. Aýrý juqtyrǵandar deńgeıi birden tómendemese, eldi tolyqtaı jabýǵa az qaldyq», - dedi Edelshteın.


***

Kópshilik Brazılııanyń memleket basshysynyń koronavırýspen aýyrǵanynan habardar. Bul eldiń prezıdentiniń COVID-19 boıynsha tapsyrǵan testi onyń koronavırýsty taǵy da juqtyryp alǵanyn kórsetti. Bul týraly birden birneshe buqaralyq aqparat quraldary, atap aıtqanda CNN Brazil, TASS aqparat kózderi habar taratty.

Jaır Bolsonarýdyń ózi jaǵdaıy jaqsy ekenin aıtady. Onyń qanyndaǵy ottegimen qanyqtyrý paıyzy 96-dan 98-ge deıin ósti. Kóptegen naýqasqa qaraǵanda onda tynys alýynda problema bolmaǵan, dám sezýi joǵalmaǵan. Brazılııa basshysynyń aıtýynsha, qan analızi qalypty nátıjeni kórsetken. Buǵan deıin Brazılııa prezıdenti gıdroksıhlorokınniń arqasynda ózin jaqsy sezinetinin málimdegen bolatyn. Ol áli kúnge deıin osy preparatty qabyldap jatyr. Taıaý kúnderi ol taǵy bir koronavırýs testinen ótpek. Osy testtiń nátıjesi onyń burynǵy jumys rejımine orala alatynyn nemese qaıtadan ózdiginen oqshaýlanatynyn sheshedi.


***

Kolýmbııa astanasy Bogota koronavırýstyq soqqysyn «ózine qabyldap aldy». Vırýstyń taralýynyń eń qıyn jaǵdaıy osy aımaqta baıqalǵan. Onda 55 056 adam vırýs juqtyrǵan. Elde bir táýlikte 5 myńnan astam adam vırýs juqtyrǵan. Jalpy koronavırýsty bul eldegi 165 169 azamat juqtyrǵan.

Elde sońǵy 24 saǵat ishinde 189 naýqas kóz jumdy.


***

Úndistan koronavırýs ınfektsııasyn juqtyrý jaǵdaıy boıynsha álemde úshinshi orynda tur. Bir táýliktiń ishinde naýqastardyń sany 29,4 myńǵa artyp, jalpy 936 181 adamǵa jetti. 319 840 adam ınfektsııadan emdelip jatyr. 592 031 adam jazylyp, 24 309 adam qaıtys bolǵan. Eldiń ortalyǵyndaǵy Maharashtra shtaty eń qatty zardap shekti. Onda koronavırýs ınfektsııasyn juqtyrýdyń eń kóp mólsheri tirkeldi (267,665 adam, sońǵy táýlikte 6741 jaǵdaı). Úndistandaǵy qazirgi jaǵdaıǵa baılanysty 300 mıllıonnan astam adam qaıtadan karantınde ómir súrýde.

The Times gazeti koronavırýs juqtyrǵandardyń sany elde kúrt ósip kele jatqanyn habarlady. Keıbir qalalar men shtattarda shekteý sharalary qaıta engizilýde. Máselen, bılik Bıhar shtatynyń halqyn 15 kúndik karantınge jiberýge sheshim qabyldady. Bangalor turǵyndary da bir apta ishinde oqshaýlanady.


***

Meksıkada koronavırýs juqtyrý jaǵdaılarynyń sany 318 myńnan asty. Bul týraly Meksıka Densaýlyq saqtaý mınıstrliginiń bas epıdemıology Hose Lýıs Alomııaǵa málimdeme jasady. Bir táýlik ishinde elde 6149 jańa jaǵdaı anyqtaldy. Búkil álem koronavırýspen aýyrmaýdyń jolyn izdep jatsa, Meksıkada kovıd ınfektsııasyn ádeıi juqtyrǵandar da bar. Aımaqtyq bılik bul úshin jazany qataıtyp otyr.

Qasaqana juqtyryp alǵan meksıkalyqtar Nýevo-Leon shtatynda úsh jylǵa deıin bas bostandyǵynan aıyrylýy múmkin nemese 35 myń peso (1,5 myń dollar) kóleminde aıyppul tóleıdi. Televızııa telearnasy aımaqtyq bıliktiń sheshimi seısenbide kúshine engenin habarlady. Aımaqtyq densaýlyq saqtaý basqarmasynyń basshysy Manýel de la turǵyndarǵa eskertý jasady: «Eger siz kez-kelgen aýyr juqpaly aýrýdan zardap shegip, basqa adamdarǵa qaýip tóndirseńiz, onda sizdiń áreketińiz qylmys bolyp sanalady».


***

16 shildedegi jaǵdaı boıynsha Danııada KOVID-19 ınfektsııasynyń 13 092 jaǵdaıy tirkeldi. Ókinishke qaraı, pandemııa bastalǵaly beri koronavırýs 610 adamnyń ómirin qıyp ketti. 12 182 adam tolyqtaı emdeldi. Danııa búkil álem boıynsha vırýs juqtyrǵandardyń sany boıynsha 68 orynda. Jaqynda Danııa bıligi áýejaılar «qyzyl aımaqtarǵa» enetin aımaqtardan reısterdi qabyldamaıtynyn málimdedi. Sonymen qatar, myńnan astam adam qatysatyn barlyq is-shara toqtatyldy.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT