+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Koronavırýs: Álemde indetten jazylǵan adamdar sany 200 myńnan asty

2020 jylǵy 3 sáýir 14:30
Bólisińiz:
Koronavırýs: Álemde indetten jazylǵan adamdar sany 200 myńnan asty

ANKARA.QazAqparat – Beısenbi kúni koronavırýstan jazylyp shyqqan adamdardyń sany álem boıynsha 200 myńnan asty, bul indetten kóz jumǵandardyń tirkelgen sanynan tórt ese kóp. Johns Hopkins University málimeti boıynsha, epıdemııa búkil álemde 48 300 adamnyń ómirin jalmady, 202 541 adam jazyldy. Aýrý juqtyrǵan adamdardyń jalpy sany 952 myńǵa jýyqtaǵan, dep habarlaıdy QazAqparat Anadolu Agency agenttigine silteme jasap.

Іndetten aıyqqan adamdardyń eń kóp sany – vırýs taraǵan oshaq Qytaı elinde tirkeldi (76 571 adam). Ispanııada 26 743 adam vırýsty jeńdi. Germanııada jazylyp shyqqandar sany - 19 175 adam.

Johns Hopkins University málimetinshe, beısenbi kúngi jaǵdaı boıynsha, Qytaıda koronavırýs juqtyrýdyń 82 400 oqıǵasy rastaldy, 3 322 adam kóz jumdy. Ispanııada 10 myńnan astam adam qaıtys bolǵany, 104 myń adam aýrý juqtyrǵany atap ótiledi.

І ndetten Italııada eń kóp adam kóz jumǵan. Koronavırýs bul elde 13 200-ge jýyq adamnyń ómirin qıyp áketti, aýrýǵa shaldyqqandardyń jalpy sany 110 600 adamǵa jetken. Іndetti 16800 adam jeńip shyqqan. Germanııada koronavırýstan bir myńǵa jýyq adam kóz jumdy, 78 myń adam aýrýǵa shaldyqty.

Sársenbi kúngi málimetter boıynsha, Frantsııada vırýstan 4032 adam qaıtys boldy. Vırýsty 58 myńǵa jýyq adam jeńip shyqqan.

Álemde COVID-19 aýrýyn juqtyrýdyń eń kóp oqıǵasy AQSh-ta tirkelgen (217 myńǵa jýyq adam). Epıdemııadan 8 670-ten astam adam saýyqty, elde aýrýdan kóz jumǵandar sany - 5130 adam.

Kóptegen elder koronavırýs eń kóp taraǵan óńirlerge kirýge shekteý engizip, qatań oqshaýlaý sharalaryn engizdi, sebebi Dúnıejúzilik densaýlyq saqtaý uıymy vırýstyń órshýin pandemııa dep jarııalap, Eýropany – indettiń jańa oshaǵy dep ataǵan.


Bizdiń kanalymyzǵa jazylyńyz:

Basty sózder: Álem, Koronavırýs,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT