+7 (701) 759 90 19
USD 433.55 EUR 515.53
RUB 5.62 CNY 66.25
Jańalyqtar

Koronavırýs: Alekseı Tsoı qazaqstandyq vaktsınany Ózbekstanda shyǵarýdy usyndy

2021 jylǵy 5 naýryz 02:52
Bólisińiz:
Koronavırýs: Alekseı Tsoı qazaqstandyq vaktsınany Ózbekstanda shyǵarýdy usyndy

TAShKENT. QazAqparat - Ózbekstandaǵy farmatsevtıkalyq kásiporynda QAZCOVID-IN qazaqstandyq vaktsınasyn shyǵarý múmkindigin qarastyrý usynyldy. Mundaı usynysty Densaýlyq saqtaý mınıstri Alekseı Tsoı Tashkentte áriptesi Abdýhakım Hadjıbaevpen kezdesýde jasady, dep habarlaıdy QazAqparat.

Uqsas jańalyqtar
Álem halqy vaktsınatsııaǵa úmit artyp otyr - epıdemıolog-dáriger Qaraǵandy Medýnıversıtetinde vaktsınatsııa ortalyǵy ashyldy Qytaıda koronavırýsqa qarsy 160 mln doza vaktsına egildi

Qazaqstan Premer-Mınıstriniń orynbasary Eraly Toǵjanov bastaǵan resmı delegatsııa Ózbekstan Respýblıkasyna barǵanyn buǵan deıin jazǵan bolatynbyz.

Іssapar barysynda taraptar farmatsevtıka salasyndaǵy yntymaqtastyqty talqylady, birqatar kezdesý men kelissóz ótkizdi, sondaı-aq Tashkent qalasyndaǵy medıtsınalyq nysandardyń jumysymen tanysty.

Densaýlyq saqtaý mınıstri Alekseı Tsoı Ózbekstan Respýblıkasynyń Densaýlyq saqtaý mınıstri Abdýhakım Hadjıbaevpen kelissózder barysynda Ózbekstandaǵy farmatsevtıkalyq kásiporynda otandyq QAZCOVID-IN vaktsınasyn shyǵarý múmkindigin qarastyrýdy usyndy.

«Biz epıdemııaǵa qarsy kúreste seriktestikti jandandyrýdy, jedel jaǵdaıda ózara tıimdi is-qımyl jasaýdy, sondaı-aq qazirgi epıdemıologııalyq ahýal jáne ony turaqtandyrý boıynsha júrgizilip jatqan sharalarǵa qatysty aqparat almasýdy jolǵa qoıýdy usynamyz», - dedi A.Tsoı.

Sonymen qatar, Alekseı Tsoı densaýlyq saqtaýdyń perspektıvaly salalarynda, onyń ishinde tsıfrlyq tehnologııalar men zııatkerlik júıe, medıtsınalyq bilim berý men ǵylym, farmatsııa, memlekettik-jekeshelik áriptestik jáne basqa da yntymaqtastyqty nyǵaıtý, Qazaqstan men Ózbekstannyń Densaýlyq saqtaý mınıstrlikteri arasyndaǵy densaýlyq saqtaý máseleleri jóninde birlesip kelisim ázirleý qajettigin aıtty.

«Іssapardyń alǵashqy kúni úkimettik delegatsııa músheleri akademık A.Vahıdov atyndaǵy respýblıkalyq mamandandyrylǵan ǵylymı-praktıkalyq medıtsınalyq ortalyqqa bardy. Munda júrek jáne qan tamyrlary, asqazan-ishek joldary, baýyr jáne uıqy bezi, ókpe jáne medıastınalyq organdar aýrýlary bar naýqastarǵa joǵary bilikti jalpy jáne mamandandyrylǵan hırýrgııalyq kómek kórsetiledi», - dedi QR Densaýlyq saqtaý mınıstrliginen.

Sondaı-aq, olar 2020 jyly pandemııamen kúresý úshin salynǵan Zangıotın aýdanyndaǵy №1 jáne №2 mamandandyrylǵan juqpaly aýrýlar aýrýhanalarynyń qyzmetimen tanysty. Nysan bir ýaqytta 10 myń adam qabyldaıdy jáne COVID-19 shaldyqqan naýqastardy emdeýge, karantınge muqtaj shetelden oralǵan Ózbekstan azamattaryn ornalastyrýǵa arnalǵan. Sonymen qatar, delegatsııa «Dentafill» JShQ farmatsevtıkalyq zaýytyn aralady.

Aıta keteıik, 2020 jylǵy qarashada Qazaqstan men Ózbekstan arasyndaǵy yntymaqtastyqty damytý jónindegi Jol kartasy qabyldandy. Oǵan farmatsevtıka ónerkásibi salasyndaǵy ónerkásiptik kooperatsııa máseleleri engizildi. Atap aıtqanda: Shymkent qalasynda 2020-2022 jyldary dárilik jáne gıgıenalyq quraldar óndiretin zaýyt salý; 2021 jyly Ózbekstan aýmaǵynda farmatsevtıkalyq ónim shyǵaratyn birlesken kásiporyndar qurý.



Bizdiń kanalymyzǵa jazylyńyz:

Bólisińiz:
Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT