+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Qorǵanys mınıstrliginiń ofıtserleri Aıagóz garnızonynyń basshylyǵyna ádistemelik kómek kórsetti

2019 jylǵy 13 qarasha 23:37
Bólisińiz:
Qorǵanys mınıstrliginiń ofıtserleri Aıagóz garnızonynyń basshylyǵyna ádistemelik kómek kórsetti

AıAGÓZ. QazAqparat - Aıagóz garnızony áskerı bólimderiniń basshylyǵyna ádistemelik jáne tájirıbelik kómek kórsetý maqsatynda QR Qorǵanys mınıstrliginiń ofıtserlerimen keshendi aqparattyq-túsindirý jumysy kórsetildi, dep habarlaıdy QazAqparat atalmysh vedomostvonyń baspasóz qyzmetine silteme jasap.

Uqsas jańalyqtar
Áskerı qyzmetshiler arnaıy daıyndyqtan ótip jatyr Almatyda áıgili «Qara maıordyń» qurmetine eskertkish taqta ashyldy Qazaqstan men Túrkııa áskerı daıarlyqtyń tártibin aıqyndady

Garnızonda merzimdi áskerı qyzmetshilermen, jas ofıtserler jáne serjanttar quramymen, áskerge shaqyrýshylardyń ata-analarymen kezdesýler ótkizildi. Jeke quramǵa «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty QR Prezıdenti Joldaýynyń negizgi erejelerin túsindirip, turǵyn úı jáne zeınetaqymen qamtamasyz etý zańnamasyna qatysty zańdy keńester berildi.

Sondaı-aq jeke quramnyń áleýmettik-turmystyq jaǵdaıy, bólimshelerdegi moraldyq-psıhologııalyq ahýal qarastyryldy, áskerı ujymdaǵy salaýatty moraldyq-psıhologııalyq jaǵdaı jasaýǵa baǵyttalǵan aqparattyq-tárbıe jáne ıdeologııalyq jumystardy uıymdastyrý máselelerine qatysty ádistemelik jáne tájirıbelik kómek kórsetildi.

«El tiregi» respýblıkalyq áskerı-patrıottyq aktsııa aıasynda aqparattyq-túsindirý toby áskerı qyzmetke qabyldaý tártibi men sharttaryna, jastardyń áskerı-patrıottyq tárbıesin jandandyrý basty nazar aýdardy. Osyǵan baılanysty búgin úzdik áskerı qyzmetshilerdi zapasqa shyǵarylatyn saltanatty shyǵaryp salý rásimi uıymdastyryldy jáne ótkizildi. Qolbasshylyq olardyń úlgili qyzmetterin atap ótip ata-analary men jaqyndaryna alǵystaryn bildirdi.

Ata-analardyń biri – Oral Qojabaev 1982-1984 jyldary ózi áskerde bolǵan tank brıgadasynda búgin uly qyzmet atqarady. Oral Qazjanuly óziniń armııadaǵy kezderin eske alyp, qaıtadan tankıst kıimin kıip qana qoımaı, jaýyngerlik mashınasyna da otyrdy.

«Qarýly Kúshter basshylyǵynyń arqasynda uıymdastyrylǵan shara kezinde balalarymyzdyń áskerı qyzmetti qalaı atqaryp júrgenin kórýge múmkindik boldy. Týra 35 jyl buryn men, osy tank rotasynda zeńbirek dáldeýshisi, tank komandıri, keıin rota starshınasy bolyp qyzmet ettim. Kazarmaǵa baryp, qyzmet jolymdy eske aldym. Bul jerge kelgenime qýanyshtymyn. Búgingi kúni men úshin ystyq bolǵan bólimde, endi ulym qyzmet atqarady. Ony áskerı qatarda sap túzegenin kórgenime óte qýanyshty jáne rızamyn», - dep oıymen bólisti.

Sonymen qatar merzimdi áskerı qyzmeti endi ǵana bastalatyn, qazirgi kúzgi áskerge shaqyrylǵan áskerge shaqyrýshylardy shyǵaryp salý rásimi de ótti.

«Men Taldyqorǵan qalasynan áskerge shaqyryldym. Endi osynda, Aıagózde qyzmetimdi óteıtin bolamyn. Bólimde qajetti jaǵdaılarmen tolyqtaı qamtamasyz etildik, bizdermen serjanttar jáne komandırler tyǵyz jumys jasaýda. Qazirgi tańda ant qabyldaýǵa, sapta qadam basyp, qarý ustaýdy úırenip jatyrmyz. Men áskerde qyzmet etetinimdi maqtan tutamyn», - dedi qatardaǵy sarbaz Asylbek Baýkenov.

«El tiregi» aktsııasy aıasyndaǵy mańyzdy oqıǵanyń biri jergilikti oqýshylar arasynda da ótti. Jas patrıottar «Jas sarbaz» respýblıkalyq áskerı-patrıottyq qozǵalysynyń qataryn tolyqtyrdy. Tárbıelenýshiler kompıýterlik synyp pen robototehnıkadan jeke ázirlemelerin kórsetti.

Aıta keteıik, aqparattyq-túsindirý tobynyń quramynda QR QK Ulttyq áskerı-patrıottyq ortalyǵy Ortalyq ansambliniń ártisteri, áskerı sportshylar jáne otbasy músheleri men jumys bóliminiń ókilderi de Aıagóz garnızonyna bardy. Shyǵarmashylyq ujym óner kórsetse, áskerı sportshylar balalarǵa master-klass ótkizdi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT