+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qorǵanys mınıstrliginde keńeıtilgen alqa otyrysy ótti

2019 jylǵy 21 qarasha 15:28
Bólisińiz:
Qorǵanys mınıstrliginde keńeıtilgen alqa otyrysy ótti

NUR-SULTAN. QazAqparat - Qorǵanys mınıstrliginde keńeıtilgen alqa otyrysy ótti, dep habarlaıdy QazAqparat mınıstrliktiń baspasóz qyzmetine silteme jasap.

Alqa otyrysyna Qorǵanys mınıstrligi men Bas shtab basshylyǵy, departamentter men bas basqarmalar bastyqtary, ásker túrleri bas qolbasshylarynyń orynbasarlary, óńirlik qolbasshylyqtar men ásker tekteri áskerleriniń qolbasshylary, brıgadalardyń, polkterdiń, avıatsııalyq bazalardyń, saqtaý qoımalarynyń, oqý ortalyqtarynyń komandırleri, áskerı oqý oryndarynyń, áskerı polıtsııa organdarynyń bastyqtary, serjanttar quramy, QR QM vedomstvolyq baǵynysty uıymdarynyń basshylary qatysty.

Kún tártibinde 2019 oqý jylyndaǵy Qarýly kúshter qyzmetiniń qorytyndysy qaraldy. Mınıstrge áskerlerdiń jaýyngerlik jáne jumyldyrý ázirligin, jedel, jaýyngerlik jáne jumyldyrý daıyndyǵyn, sondaı-aq Qarýly kúshterdi damytýdyń jaı-kúıin taldaý nátıjelerin baıandady.

Qorǵanys mınıstriniń birinshi orynbasary – QR QK Bas shtab bastyǵy general-maıor Murat Bektanov jáne QR Qorǵanys mınıstriniń orynbasary Baýyrjan Tortaev baıandama jasady.

General-maıor Murat Bektanovtyń aıtýynsha 2019 jyly Qarýly kúshterde josparlanǵan barlyq is-shara tolyq deńgeıde oryndaldy. Jyl boıy bólimsheler 20-dan astam halyqaralyq, 2 túraralyq oqý-jattyǵýǵa qatysty. Qurlyq áskerlerinde jaýyngerlik daıarlyq boıynsha 7 myńnan astam oqý-jattyǵý ótkizildi. Bul oqý-jattyǵýlar ár eldiń ásker toptarynyń ózara is-qımylynyń joǵarǵy deńgeıge jetýi men jeke quramnyń jaýyngerlik daıarlyǵynyń artýyna yqpal etti.

Qurylymdyq bólimshelerge jaýaptylar ásker qyzmetiniń jaı-kúıine jáne áskerı bólimder men mekemelerdiń dıversııaǵa qarsy qaýipsizdigine, sondaı-aq áskerı tártipke taldaýdy tanystyrdy. Talqylaý barysynda áskerı qyzmetshilerdiń otbasymen jumys isteý jáne jastardy áskerı-patrıottyq tárbıeleý salasyndaǵy qyzmetter nazardan tys qalmady.

Aldaǵy oqý jylynda jańa geosaıası jaǵdaılarda qaýipsizdikke tónetin qaýip-qaterlerdiń kórsetilýin kepildikpen qamtamasyz etetin Qarýly kúshterdiń beınesin jetildirý jónindegi jumys jalǵastyrylady.

Mınıstr jeke ásker túrin damytý, sondaı-aq áskerdi keshendi qaıta jaraqtandyrý qajettiligin atap ótti.

Keńeıtilgen alqa otyrysy sońynda 2019 jylǵy jaýyngerlik saıystardyń jeńimpazdary marapattaldy. Ásker túri arasynan – Qurlyq áskeri, óńirlik qolbasshylyqtar men ásker tekteri arasynda «Ońtústik» jáne «Shyǵys» óńirlik qolbasshylyqtary, Desantty-shabýyldaýshy áskerleri úzdikter qatarynan kórindi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT