+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qorǵanys mınıstriniń orynbasary Baqyt Qurmanbaev dúnıeden ozdy

2020 jylǵy 14 shilde 22:29
Bólisińiz:
Qorǵanys mınıstriniń orynbasary Baqyt Qurmanbaev dúnıeden ozdy

NUR-SULTAN. QazAqparat - Búgin Qazaqstan Respýblıkasy Qorǵanys mınıstriniń orynbasary, general-maıor Baqyt Januzaquly Qurmanbaev mezgilsiz dúnıe saldy, dep habarlaıdy QazAqparat.

Uqsas jańalyqtar
Qarataýda terezeden qulaǵan 10 jastaǵy balaǵa qatysty oqıǵany polıtsııa tekserip jatyr Vengrııada avtobýs aýdarylyp, bir adam mert boldy Qyzylordada kanalǵa batyp ketken jigitti izdeýge 14 qutqarýshy tartyldy

Qorǵanys mınıstrligi resmı saıtynyń habarlaýynsha, Baqyt Januzaqulynyń artynda jan jary men eki balasy qaldy.

Baqyt Qurmanbaev 1993 jyly ál-Farabı atyndaǵy Qazaq memlekettik ýnıversıtetin támamdaǵan. 2005 jyly Reseı Federatsııasy Qurlyq áskerleri áskerı áýe shabýylyna qarsy qorǵanys áskerı akademııasynda bilim alyp, al 2008 jyly Reseı Federatsııasy Qarýly Kúshteri Bas shtaby Áskerı akademııasynyń Joǵary akademııalyq kýrsyn bitirgen.

Baqyt Januzaquly Qazaqstan Respýblıkasy Qarýly Kúshterinde atqarǵan qyzmetinde joǵary kásibıligimen jáne aýqymdy tájirıbesimen erekshelendi. Áskerı salada qondyrǵylardy qosý vzvodynyń, zenıttik-zymyran batareıasynyń komandırinen bastap ár jyldary Qorǵanys mınıstrliginde basshylyq laýazymdardy, sonymen qatar Qazaqstan Respýblıkasy Qaýipsizdik Keńesi áskerı qaýipsizdik jáne qorǵanys bóliminiń meńgerýshisi laýazymyn atqardy.

2017 jylǵy 6 mamyrda Prezıdent Jarlyǵymen oǵan «general-maıor» áskerı ataǵy berilgen edi.

2019 jylǵy sáýir aıynda general-maıor Qurmanbaev Qazaqstan Respýblıkasy Qorǵanys mınıstriniń orynbasary bolyp taǵaıyndaldy. Materıaldyq-tehnıkalyq qamtamasyz etý, qorǵanys ónerkásip keshenimen ózara is-qımyl jasaý, qarý-jaraq jáne áskerı tehnıka, sondaı-aq tyldyq jáne medıtsınalyq qamtamasyz etý máselelerine jetekshilik etti.

Arys qalasyndaǵy tótenshe jaǵdaı saldaryn joıýda aıtarlyqtaı úles qosyp, pandemııamen kúres kezeńiniń alǵashqy kúnderinen bastap ınfektsııanyń taralýyna qarsy is-sharalardy uıymdastyrý men qamtamasyz etýge belsendi atsalysty.

Qyzmet atqarǵan kezeńderde II-shi dárejeli «Aıbyn» jáne II-shi dárejeli «Danq» ordenderimen marapattalǵan.

Qazaqstan Respýblıkasy Qorǵanys mınıstrliginiń basshylyq quramy men áskerı qyzmetshileri general-maıor Baqyt Januzaquly Qurmanbaevtyń mezgilsiz qaıtys bolýyna baılanysty týystary men jaqyndaryna qaıǵyryp kóńil aıtady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Úmbet Sholpan
Úmbet Sholpan
954-059

MURAǴAT