Jańalyqtar  >

Qorǵanys mınıstri elimizdiń ońtústigindegi áskerı nysandardyń jaı-kúıin tekserdi

2022 jylǵy 24 qyrkúıek, 15:15
Qorǵanys mınıstri elimizdiń ońtústigindegi áskerı nysandardyń jaı-kúıin tekserdi

ASTANA. QazAqparat - Qorǵanys mınıstrliginiń komıssııasy general-polkovnık Rýslan Jaqsylyqovtyń basshylyǵymen Qyzylorda oblysyndaǵy áskerı nysandarda bolyp, Túrkistan qalasyna sapar shekti.

Bul týraly QazAqparat QR Qorǵanys mınıstrliginiń baspasóz qyzmetine silteme jasap habarlaıdy.

Qyzylordada qorǵanys vedomstvosynyń basshysyna áskerı bólimniń atqaratyn mindetteri men jaýyngerlik múmkindikteri, oqý-jattyǵý jaýyngerlik qyzmetiniń barysy týraly baıandaldy. Mınıstr áskerı ınfraqurylym nysandarynyń jaǵdaıyna erekshe nazar aýdaryp, shtabtyń jumysymen, áskerı qyzmetshilerdiń tamaqtaný jaǵdaıymen tanysty. General-polkovnık Rýslan Jaqsylyqov sondaı-aq jaýyngerlik mashınalar parkindegi áskerı tehnıkanyń jaı-kúıi men olardy ustaý tártibin, qarýdy saqtaý jaǵdaıyn tekserdi.

Sonymen qatar, qorǵanys vedomstvosynyń basshysy oqý-jattyǵý alańdaryn aralap, olardyń praktıkalyq sabaqtarǵa daıyndyǵyn da tekserdi.

Sapar sońynda mınıstr jeke quramnyń jaýyngerlik oqý sapasyn arttyrý, jaýyngerlik daıarlyqtyń oqý-materıaldyq bazasyn jetildirý, oqý-jaýyngerlik tapsyrmalardy oryndaý kezinde qaýipsizdik sharalaryn saqtaý jóninde birqatar nusqaýlar berdi.

Túrkistanda Qorǵanys mınıstri Halyqaralyq áýejaı ǵımaraty men «Túrkistan» áskerı sektoryn salýǵa josparlanǵan aýmaqty aralap kórip, aldaǵy jumystarǵa qatysty máselelerdi talqylady.


Uqsas jańalyqtar
Seriktester jańalyqtary

Jańalyqtar