+7 (701) 759 90 19
USD 389.52 EUR 429.21
RUB 6.07 CNY 54.94
Jańalyqtar

Qorǵanys mınıstri Arysta zardap shekken saperlerdiń jaǵdaıy týraly aıtty

2019 jylǵy 23 qyrkúıek 14:42
Bólisińiz:
Qorǵanys mınıstri Arysta zardap shekken saperlerdiń jaǵdaıy týraly aıtty

NUR-SULTAN.QazAqparat – QR Qorǵanys mınıstri Nurlan Ermekbaev 21 qyrkúıekte oq-dári fragmentiniń ózdiginen jarylýy oqıǵasyna qatysty pikir bildirdi, dep habarlaıdy QazAqparat tilishisi.

Uqsas jańalyqtar
Ómirzaq Shókeev «Úzdik áleýmettik áriptes» medalimen marapattaldy Arystyń bas qaqpasynyń lentasy saltanatty túrde qıyldy Arysta  óner juldyzdarynyń qatysýymen kontsert ótti

«Áskerı bólimniń ishinde jeke quramnyń qaýipsizdigine baılanysty qajetti sharalar qabyldanýda. Ókinishke qaraı, túrli sebeptermen detonatsııa nemese jarylys sekildi oqıǵalar oryn alady. Onyń naqty sebebin tergeý amaldary anyqtap jatyr», - dedi mınıstr Úkimet otyrysynan keıin tilshiler saýalyna jaýap bere otyryp.

Osy oraıda ol zardap shekken áskerılerge barlyq qajetti kómek jasalyp jatqanyn jetkizdi.

«21-i kúni zardap shekken áskerıler shuǵyl túrde gospıtalge jetkizilip, olarǵa tıisti medıtsınalyq kómek kórsetilýde. Úsheýiniń jaǵdaıy aýyr dep baǵalanyp otyr. Bireýiniń alǵan jaraqatyna qaraı jaǵdaıy ortasha deńgeıde jáne altaýynyń jaǵdaıy qanaǵattanarlyq dep baǵalandy. Jaqyn arada olar qatarǵa qosylady dep úmittenemiz»,- dedi N. Ermekbaev.

Sonymen qatar ol qyzmettik jumysyn oryndaý kezinde jaraqat alǵandarǵa materıaldyq ótemaqy qarastyrylǵanyn eske saldy.

«Densaýlyqtary túzelgennen keıin áskerılerdiń jaǵdaıyna qatysty medıtsına qyzmetkerleri baǵalaý júrgizedi. Eger de olar qyzmetke jaramdy dep tanylsa, qatarǵa qosylady», - dedi vedomstvo basshysy.

Onyń paıymynsha, turǵyndarǵa alańdaýdyń reti joq.

Sonymen qatar mınıstr keıbir sarapshylar oq-dári fragmentterin áskerı bólimniń aýmaǵynda joıýdy usynǵanyn atap ótti.

«Mysaly, arnaıy tehnıkanyń kómegimen júrgizý usynyldy. Bul turǵyda ne bolýy múmkin? Osy oraıda asa qýatty emes 1,2,3 jarylys oryn alýy múmkin, biraq ta bul kórinis jergilikti turǵyndardyń narazylyǵyn týdyrady. Sebebi úıler jaqyn ornalasqan. Onyń ústine oq-dári synyqtary jan-jaqqa ushýy yqtımal. Sondyqtan jergilik turǵyndardyń múddesin eskere otyryp, oq-dárini 60 shaqyrymnan kem emes qashyqtyqta ornalasqan arnaıy polıgonǵa shyǵaryp, sol jerde joıý týraly sheshim shyǵaryldy. Alaıda eń qaýiptisi – ol shyǵarý men tasymaldaýǵa qatysty. Osyndaı jumystar barysynda túrli jaǵdaılar oryn alady», - dedi Nurlan Ermekbaev.

Budan buryn habarlanǵandaı, 21 qyrkúıek kúni arnaıy jasaqtalǵan polıgon (Arys qalasynan 60 shaqyrym jerde) aýmaǵyndaǵy josparly jarylys jasaý jumystary barysynda oq-dári fragmenti ózdiginen jaryldy.

Sonyń saldarynan arnaıy daıyndyqtan ótken 10 saper - kelisimshart áskerı qyzmetshisi jarqynshaq tıip jaraqat aldy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT