+7 (701) 759 90 19
USD 412.10 EUR 454.34
RUB 5.82 CNY 57.62
Jańalyqtar

Qorǵanys mınıstri Aqtóbede patrıottyq saıabaq salýdy usyndy

2019 jylǵy 6 qyrkúıek 23:38
Bólisińiz:
Qorǵanys mınıstri Aqtóbede patrıottyq saıabaq salýdy usyndy

AQTÓBE. QazAqparat - Qorǵanys mınıstri Nurlan Ermekbaev Aqtóbede jas sarbazdarmen kezdesti, dep habarlaıdy QazAqparat tilshisi.

Elimizdiń ár óńirinde «Jas sarbaz» patrıottyq qozǵalysy qurylǵan bolatyn. Qorǵanys mınıstri Nurlan Ermekbaev Aqtóbe oblysyndaǵy qozǵalys múshelerimen, oqýshylarmen kezdesti. Keıin mınıstrlik pen oblys ákimdigi birlese jumys isteýge kelisip, memorandýmǵa qol qoıdy.


«Keńes Odaǵynyń batyry Álııa Moldaǵulovanyń týǵan jeri, qutty meken – Aqtóbede kezdeskenime qýanyshtymyn. Tuńǵysh Prezıdent Nursultan Nazarbaev 2018 jyly halyqqa arnaǵan Joldaýynda Qazaqstanda jalpyulttyq «Jas sarbaz« patrıottyq jasóspirimder qozǵalysyn quryp, áskerı-patrıottyq tárbıeniń rólin kúsheıtý týraly tapsyrma bergen bolatyn. Osyǵan oraı barlyq aımaqta «Jas sarbaz« patrıottyq jasóspirimder qozǵalysy qoǵamdyq birlestigi quryldy. Bul memorandým óskeleń urpaq boıyndaǵy qazaqstandyq patrıotızmdi, týǵan jerge degen súıispenshilikti qalyptastyrýǵa zor úlesin tıgizedi dep senemiz. Ońdasyn Seıiluly, ózińiz elimizdiń patrıoty retinde, Qazaqstannyń damýy men órkendeýine adal da, abyroıly eńbegińizben zor úles qosyp otyrsyz. Óńirde atqarylyp jatqan ıgi ister, jastarǵa arnalyp salynyp jatqan áleýmettik nysandar bolashaq urpaqty tárbıeleýde erekshe ról atqarady. Aldaǵy ýaqytta «Jas sarbaz« qozǵalysynyń jumysyn jandandyratyn ortalyq nemese patrıottyq saıabaǵy salynsa nur ústine nur bolar edi. Sondaı-aq «Jas sarbaz« synyptaryn ashýǵa, qajetti materıaldyq-tehnıkalyq, kıim formasymen jabdyqtaýǵa kómek kórsetsińizder rıza bolamyz», - dedi mınıstr N.Ermekbaev.
Qazir óńirdegi ár mektepte oqýshylarǵa ulttyq rýh beretin patrıottyq qozǵalys jumys istep tur.


«Aqtóbe oblystyq fılıaly ótken jyly resmı túrde tirkelgen bolatyn. Bizdiń negizgi maqsatymyz jastardyń boıynda Otan aldyndaǵy qasıetti paryzyn oıatýǵa, óz eline, jerine qyzmet etip qana qoımaı ony qorǵaıtyn, eldiń bolashaǵyn tárbıeleý. Qysqa ýaqyt ishinde barlyq oqý oryndarynda kezdesýler ótip, qozǵalystyń jumysy tanystyryldy. Aldaǵy ýaqytta qozǵalystyń jumysyn jandandyrý úshin jyldyq jospar bekitildi. Oblystaǵy jalpy bilim beretin 403 oqý ornynda 356 áskerı-patrıottyq klýb ashyldy. Bıylǵy jańa oqý jylynan bastam mektepterde 11 «Jas sarbaz« synyby jumysyn bastaıdy», - dedi «Jas sarbaz» jasóspirimder áskerı-patrıottyq qozǵalysynyń oblystyq fılıal tóraǵasy Baǵdat Turmaǵambetov.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT