Koreıada COVID-19 juqtyrýdyń táýliktik rekordy tirkeldi
2022 jylǵy 25 qańtar 11:50

Koreıada COVID-19 juqtyrýdyń táýliktik rekordy tirkeldi

SEÝL. YONHAP-QazAqparat – Seısenbi kúni Ońtústik Koreıada koronavırýs juqtyrý jaǵdaılary rekordtyq 8 751-ge jetti, bul omıkron shtamynyń tez taralýymen baılanysty, dep habarlaıdy QazAqparat YONHAP agenttigine silteme jasap.

Koreıanyń aýrýlardy baqylaý jáne aldyn alý agenttiginiń (KDCA) derekterine saı, seısenbi kúni vırýs juqtyrǵandar qatary 8 356 jergilikti juqtyrý jaǵdaıyn qosqanda, 749 979-ǵa jetti.

Koreıada 2020 jyldyń 20 qańtary vırýs anyqtalǵannan beri birinshi ret bir táýlikte juqtyrý jaǵdaılary 8 000-nan asyp otyr.

Koronavırýstan qaıtys bolǵandar sany 6 588-ge jetti, dúısenbi kúni bul kórsetkish 23-ke kem bolǵan.

Sheneýnikter omıkron shtamynyń qazirgi taralý qarqynyn eskere otyryp, kelesi aıda juqtyrý jaǵdaılary kúnine 30 000-nan asýy múmkin deıdi.

Medıtsınalyq sarapshylar juqtyrý jaǵdaılarynyń geometrııalyq progressııada ósip, aqpan aıynyń basynda kúnine 20 000-ǵa jetip, jaqyn kúnderi 100 000-ǵa deıin kóbeıýi múmkin ekenin eskertedi.


Jańalyqtar

MURAǴAT