+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Qordaıdaǵy jumyssyz jastardy qurylysy qarqyndy júrip jatqan aımaqtarǵa jiberý kerek – Aıdar Ábýov

2020 jylǵy 18 aqpan 13:25
Bólisińiz:
Qordaıdaǵy jumyssyz jastardy qurylysy qarqyndy júrip jatqan aımaqtarǵa jiberý kerek – Aıdar Ábýov

NUR-SULTAN. QazAqparat - Mádenıetter men dinderdiń halyqaralyq ortalyǵynyń dırektory Aıdar Ábýov Qordaı aýdanynda bolǵan oqıǵa týraly pikir bildirdi, dep habarlaıdy QazAqparat tilshisi.

«Bul – búkil qoǵamdy dúrliktirgen oqıǵa. Men eki ultty da kinálaýǵa qarsymyn. Munyń bári aldyn alý sharalary tıisti dárejede júrgizilmegendikten boldy dep oılaımyn. Qazirgi ýaqytta memleket ákimdi jáne birqatar laýazymdy tulǵalardy aýystyrdy, basqa da sharalar qoldanyp jatyr», - deıdi QR UǴA qurmetti akademıgi, fılosofııa ǵylymdarynyń doktory Aıdar Ábýov.

Ol mundaı jaǵdaılardyń qalaı aldyn alýǵa bolatynyn aıtty.

«QR Prezıdentiniń janyndaǵy Memlekettik basqarý akademııasynda jańadan taǵaıyndalǵan ákimderge sheshimi tabylmaǵan áleýmettik máselelerdiń, qaqtyǵystardyń aldyn alý joldaryn úıretý kerek. Jumyssyz adamdardy jumyspen qamtamasyz etýdiń bir joly – Soltústik Qazaqstan aımaǵyna jiberip, jumyspen qamtý. Arys, Túrkistan jáne basqa da qurylys jumystary qarqyndy júrip jatqan aımaqtarǵa brıgadamen jiberý qajet», - deıdi ol.

Eske sala keteıik, 7 aqpanda Jambyl oblysy Qordaı aýdanyndaǵy Masanchı aýylynyń turǵyndary arasynda jappaı tóbeles boldy. Kóp ótpeı Prezıdent Qasym-Jomart Toqaev Jambyl oblysy Qordaı aýdanynda bolǵan jappaı tóbeleske qatysty pikir bildirdi.

«Jambyl oblysy Qordaı aýdanynda buzaqylyq sıpattaǵy jappaı tóbeles boldy. Ony arandatýshylar óz paıdasyna qoldanbaq bolǵan. Polıtsııa jaǵdaıdy rettep, óz baqylaýyna aldy. Qoǵamdyq tártipti buzǵandar jaýapkershilikke tartylady» dep jazdy Qasym-Jomart Toqaev Twitter paraqshasynda.

8 aqpanda Memleket basshysy Jambyl oblysyndaǵy oqıǵaǵa baılanysty málimdeme jasady.

Arnaıy Úkimet komıssııasy qurylyp, Jambyl oblysyna bardy. Al Іshki ister mınıstrligi Qordaıdaǵy qaqtyǵystan 10 adamnyń kóz jumǵanyn rastady.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT