+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Qordaı aýdanynyń eki aýylyna gaz jetti

2020 jylǵy 21 qazan 01:18
Bólisińiz:
Qordaı aýdanynyń eki aýylyna gaz jetti

TARAZ. QazAqparat – Jambyl oblysyndaǵy Qordaı aýdanynyń Qarasý, Ótegen aýyldaryna gaz jetkizildi, dep habarlaıdy QazAqparat tilshisi.

Uqsas jańalyqtar
Almatyda turmysy nashar otbasylar gazǵa tegin qosylady Qazyǵurt aýdanynyń 51 eldi mekenindegi 102 235 turǵyn bıyl tabıǵı gazben qamtylmaq Baqytjan Saǵyntaev: Almatynyń jeke sektory gazben tolyq qamtylady

Memleket basshysy Qasym-Jomart Toqaevtyń Qordaı aýdany turǵyndarynyń turmysyn jaqsartý jónindegi tapsyrmasy búginde sátti iske asýda. Qarasý, Ótegen, Masanshy, Qarakemer, Sortóbe, Bular batyr, Aýqatty, Qyzylsaı, Kúnbatys-1, Kúnbatys-2 aýyldaryna jalpy smetalyq quny 5,6 mlrd teńge 73,2 shaqyrym gaz qubyryn tartý qolǵa alynǵan. Búginde olardyń birqatary boıynsha qurylys-montajdaý jumysy aıaqtalýǵa jaqyn. Al, eki aýylda jumys aıaqtalǵan. Olar – Qarasý, Ótegen aýyldary.

Atalǵan aýyldarǵa kógildir otyndy qosýǵa arnalǵan saltanatty sharada aýdan ákimi Rústem Dáýlet eki aýyl turǵyndaryn osy tamasha sátpen quttyqtap, memleket tarapynan jasalyp otyrǵan qamqorlyqtyń bul tek bir parasy ǵana ekenin aıtty. Aýylǵa jetken gazdyń alaýy jaǵylyp, saltanatty túrde iske qosyldy.

Jalpy eki aýylda 1 251 turǵyn úı jyl sońyna deıin kógildir otynmen qamtylady. Qurylys jumysymen aınalysyp jatqan «Fırma SKM Stroı» JShS aýylishilik jelilerdi tartýdy aıaqtaǵan. Turǵyndarmen kelisimshart jasalyp, kógildir otyndy úıge kirgizý retimen josparǵa saı jalǵasatyn bolady. Gaz qosýǵa tólenetin aqynyń da tıimdi joldary qarastyrylǵan. Aldaǵy ýaqytta jergilikti kásipkerlerdiń demeýimen kópbalaly analar men az qamtylǵan otbasylarǵa gaz qubyryn tartýǵa kómek kórsetiledi.

Aıta keteıik, bıyl jyl sońyna deıin aýdannyń 100 myń turǵynyn kógildir otynmen qamtý josparlanǵan. Qazirde 41 eldi mekenniń 12-sine gaz qubyry tartyldy. Taǵy 10 aýylǵa jetkizý jumystary aıaqtalýǵa jaqyn. Osylaısha kógildir otynnyń qyzyǵyn aýdannyń 95 paıyz turǵyny kóredi dep kútilýde.

Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT