+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Qordaı aýdany turǵyndarynyń ál-aýqatyn arttyrýǵa 35 mlrd teńgeden astam qarajat baǵyttaldy

2020 jylǵy 29 qazan 13:00
Bólisińiz:
Qordaı aýdany turǵyndarynyń ál-aýqatyn arttyrýǵa 35 mlrd teńgeden astam qarajat baǵyttaldy

TARAZ. QazAqparat – Jambyl oblysy ákimdiginde aımaq basshysy Berdibek Saparbaevtyń tóraǵalyǵymen ótken kezekti jıynda Memleket basshysynyń Qordaı aýdanyn áleýmettik-ekonomıkalyq damytý jónindegi tapsyrmalarynyń oryndalý máseleleri qaraldy, - dep habarlaıdy QazAqparat tilshisi.

Uqsas jańalyqtar
Shymkent qalasynyń shetinde jańa temirjol vokzaly salynady Petropavlda 30 jyldan artyq bos turǵan tarıhı nysan jóndelip jatyr SQO ákimdigi qar ústine tóselgen asfaltqa qatysty jaǵdaıdy túsindirdi

Qordaı aýdanynyń ákimi Rústem Dáýlet jalpy somasy 35,1 mıllıard teńgeni quraıtyn 392 jobanyń 366 nysanynda jumys aıaqtalǵanyn jetkizdi. Qalǵan nysandar jyl sońyna deıin daıyn aıaqtalmaq. 4627 jumys orny quryldy.

«Jobalar «Jumyspen qamtýdyń jol kartasy», «Aýyl - El besigi», «Nurly jer» memlekettik baǵdarlamalary aıasynda júzege asyrylýda. Mektepter, turǵyn úıler, mádenı jáne sport mekemeleri, densaýlyq saqtaý nysandary, joldar salynýda, ınjenerlik-kommýnıkatsııalyq ınfraqurylymdar tartylyp, aýyldar gaz jáne sý júıelerine qosylýda», - dedi R.Dáýlet.

7,4 shaqyrym jańa avtomobıl joldary salynyp, 343,6 shaqyrym jol jóndelgen. Jaqsy jáne qanaǵattanarlyq jaǵdaıdaǵy oblystyq mańyzy bar avtomobıl joldarynyń úlesi 90 paıyzǵa, al aýylishilik kóshelerdiki 75 paıyzǵa jetti.


«Baspana máselesi de sheshimin tabýda. Aýdan boıynsha 1524 turǵyn úı kezeginde tur desek, bes kóppáterli turǵyn úı paıdalanýǵa berilgen. Taǵy eki úıdiń qurylysy aıaqtalýǵa jaqyn. «Asarlatyp úı salý» jobasy aıasynda taǵy 15 úı salynýda», - dedi R. Dáýlet.

Jalpy somasy 1,3 mıllıard teńgege tórt dene shynyqtyrý-saýyqtyrý kesheniniń qurylysy júrgizilýde. Aýyldarda jeti sporttyq jáne segiz oıyn alańdary ornatylǵan.


«Aýdanda úsh bilim berý mekemesi salynýda. Apatty mektepter men oqýshy oryndarynyń tapshylyǵy máselesi tolyǵymen sheshiletin bolady», - dedi ol.

Tórt mektep jáne úsh densaýlyq saqtaý mekemesi kúrdeli jóndeýden ótti.

Energetıka jáne turǵyn úı-kommýnaldyq sharýashylyq basqarmasynyń basshysy Qudaıbergen Qorǵanbaev 22 aýylda gazben qamtý jumystary júrip jatqanyn jetkizdi. Búgingi tańda 10 aýylǵa magıstraldy gaz qubyry tartylýda desek, Qarasý men Ótegen aýyldary kógildir otynǵa qosylyp úlgerdi. Qalǵan segiz aýylda aýylishilik jeliler tartylýda.

Qazirgi tańda Otar aýlynyń mańynan avtomattandyrylǵan gaz taratý stansasy salynýda. Bul jobanyń quny 1 mıllıard teńgeden asady.

«Qurylysy josparlanǵan 175 shaqyrymdyq gaz qubyrynyń 84 shaqyrymy tartylyp úlgerdi. Jyl sońyna deıin taǵy 12 aýyldy, sondaı-aq Gvardeıskıı qalashyǵynda salynyp jatqan ımmýndyq preparattar shyǵaratyn zaýytty da gazǵa qosý josparlanýda», - dedi Q.Qorǵanbaev.

Bıyl ortalyqtandyrylǵan aýyz sýmen qamtý júıesi tórt aýylǵa tartylady. Osy maqsattarǵa oblystyq jáne respýblıkalyq bıýdjetten 1,7 mlrd. teńge bólindi.


«Memleket basshysynyń qoldaýynyń arqasynda qordaılyqtardyń ál-aýqatyn jaqsartýǵa aıtarlyqtaı kólemdi qarajat bólinýde. Aýyldyqtardyń ózderine jasalyp jatqan qamqorlyqty sezinýi mańyzdy. Aýdan turǵyndarynyń 95 paıyzynan astamy gazben qamtamasyz etiledi, 88 paıyzy ortalyqtandyrylǵan taza aýyz sýǵa qol jetkizedi, jergilikti mańyzy bar joldardyń jaqsy jáne qanaǵattanarlyq deńgeıdegi úlesi 90 paıyzǵa jetti. Eń mańyzdy másele – gazdandyrý. Bul máseleni sheshý aımaq ekonomıkasyn kóterýge, kásipkerlikti damytýǵa yqpal etedi», - dedi oblys ákimi.

Berdibek Saparbaev ultaralyq beıbitshilik pen kelisimdi saqtaý jáne nyǵaıtý baǵytyndaǵy jumystar negizgi basymdyqtardyń biri bolyp qala beretinin eskertti. Sonymen qatar jumyssyzdyq, agroónerkásiptik keshendi damytý máselelerine de basa nazar aýdarýdy tapsyrdy.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT