2022 jylǵy 1 shilde 15:53
Qor naryǵynda dollar 3 teńgege arzandady
ALMATY. QazAqparat – Qazaqstan qor bırjasyndaǵy (KASE) saýda-sattyq qorytyndysy boıynsha, teńgeniń 1 dollarǵa qatysty baǵamy arzandady, dep habarlaıdy QazAqparat tilshisi.
Kúndizgi saýda-sattyq málimetine qaraǵanda, dollar baǵamy 30 maýsym keshimen salystyrǵanda 3,80 teńgege tómendep, 1 dollar 466, 44 teńge boldy.
Ulttyq banktiń 1 shildedegi resmı baǵamy – 1 dollar úshin 470,34 teńge.
Kurs.kz málimetinshe, Almatydaǵy aqsha aıyrbastaý pýnkterinde dollardyń satý baǵamy 464 teńge, satyp alý – 468 teńge. Al Nur-Sultan qalasy boıynsha satý baǵamy 463 teńgeden bolsa, satyp alý quny – 465,50 teńge.
Reseı rýbliniń ortasha saralanǵan baǵamy da azdap tómendep, 8,88 teńge boldy. Buǵan deıin Ulttyq bank teńge/rýbl baǵamyna qatysty jaǵdaıdy túsindirgen bolatyn.
Sondaı-aq... oqyńyz
Seriktester jańalyqtary
TOP
