Kóppáterli úılerdiń 90 paıyzdan astamy basqarýdyń jańa formasyna kóshti
2022 jylǵy 29 maýsym 13:21

Kóppáterli úılerdiń 90 paıyzdan astamy basqarýdyń jańa formasyna kóshti

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide Indýstrııa ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq ister komıteti tóraǵasynyń orynbasary Baýyrjan Qabdol basqarýdyń jańa formasyna kóshken kóppáterli úıler týraly málimet berdi, dep habarlaıdy QazAqparat tilshisi.

«Búgingi tańda respýblıka boıynsha kondomınıým obektisin basqarýdyń jańa nysandaryna kóshýge jatatyn 46 522 kóppáterli turǵyn úıdiń 42 011-i basqarý formasyn ózgertti. ıAǵnı, 90,4%-y basqarýdyń jańa formasyna kóshken. Onyń ishinde 4 109 kóppáterli turǵyn úı múlik ıeleri birlestigine, 37 902 kóppáterli turǵyn úı jaı seriktestikke ótti.

Aqmola, Shyǵys Qazaqstan, Jambyl, Qostanaı, Qyzylorda, Soltústik Qazaqstan, Túrkistan oblystarynda jáne Shymkent qalasynda kondomınıým obektisin basqarýdyń jańa nysandaryna júz paıyz kóshti», - dedi komıtet tóraǵasynyń orynbasary.

Sondaı-aq, Baýyrjan Qabdol Qazaqstanda múlik ıeleri birlestigi men jaı seriktestikterge kóshý merzimin 2023 jylǵy 1 shildege deıin uzartý týraly sheshim qabyldanǵanyn eske saldy.

Aıta keteıik, Májilis energııa únemdeý týraly zań jobasyna Senat engizgen ózgeristerdi qabyldaǵan bolatyn. Sonyń aıasynda páter ıeleri kooperatıvteri taǵy bir jyl jumys isteıtin bolǵan edi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT