Kopengagenniń saýda ortalyǵynda atys bolyp, birneshe adam qaza tapty
2022 jylǵy 4 shilde 08:33

Kopengagenniń saýda ortalyǵynda atys bolyp, birneshe adam qaza tapty

KOPENGAGEN. QazAqparat - Danııa astanasyndaǵy Fields saýda ortalyǵynda atys saldarynan birneshe adam mert boldy. Jaraqat alǵandar da bar, dep habarlaıdy QazAqparat Euronews agenttigine silteme jasap.

Bul týraly Kopengagen polıtsııasy jedel bóliminiń basshysy Seren Tomassen málim etti.

Kúdikti ustaldy. Ol - 22 jastaǵy Danııa azamaty. Polıtsııa terakt nusqasyn da joqqa shyǵarmaıdy.

Merııa zardap shekkenderdiń naqty sany áli naqtylanyp jatqanyn aıtty. Qaladaǵy aýrýhanalar joǵary daıyndyq rejımine kóshti.

Jergilikti aqparat quraldarynyń habarlaýynsha, alǵashqy oq atylǵan kezde 100-den astam adam saýda ortalyǵynan shyqpaq bolyp júgirgen.

Oqıǵa ornynda polıtsııa operatsııasy jalǵasyp jatyr. Sondaı-aq bılik qala turǵyndaryna týystarymen baılanysýdy suraıdy.

Korol úıi Danııanyń taq murageri men premer-mınıstri qatysýy tıis Týr de Franstyń alǵashqy úsh kezeńiniń aıaqtalýyna arnalǵan merekelik is-sharanyń toqtatylǵanyn habarlady.



Foto: ru.euronews.com

Jańalyqtar

Úrdis

MURAǴAT