+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Kópbalaly otbasylarǵa arnalǵan járdemaqy 8-shi baladan bastap saralanady

2020 jylǵy 17 aqpan 10:30
Bólisińiz:
Kópbalaly otbasylarǵa arnalǵan járdemaqy 8-shi baladan bastap saralanady

NUR-SULTAN. QazAqparat - 2020 jylǵy 1 qańtardan bastap engizilgen kópbalaly otbasylarǵa arnalǵan memlekettik járdemaqylardy 8-shi jáne odan keıingi balaǵa saralaý josparlanyp otyr.

Uqsas jańalyqtar
Ózin jumyspen qamtyǵandar 42 500 teńge alý úshin taǵy da biryńǵaı jıyntyq tólem tólemeıdi 42 500 teńge: Ereje ózgere me 42 500 teńge: áleýmettik tólemge ótinish qabyldaý qashan bastalady

Bul týraly QR Eńbek jáne halyqty áleýmettik qorǵaý mınıstrliginiń keńeıtilgen alqa otyrysynda vedomstvo basshysy Birjan Nurymbetov aıtty, dep habarlaıdy QazAqparat tilshisi.

Birjan Nurymbetovtiń aıtýynsha, 2019 jyldyń qorytyndysy boıynsha 486 myń otbasyna nemese 2,4 mıllıonǵa jýyq adamǵa AÁK taǵaıyndaldy. Jalpy alǵanda, AÁK 244,2 mlrd teńge somasynda tólendi. Sonymen qatar mınıstr 2020 jyldan bastap AÁK-pen qamtamasyz etýdiń jańa tásilderi engizilgenin jáne bul tásilderdiń ashyq, ádil ekendigin jáne eńbekke yntalandyrýdy kózdeıtinin basa aıtty.

«Kópbalaly otbasylarǵa tabystaryna qaramastan, balalar sanyna qaraı saralanǵan mólsherde 42 500-den 74 400 teńgege deıin tólenetin járdemaqy engizildi. Bul járdemaqy qazirdiń ózinde shamamen 370 myń otbasyna tólendi. 2020 jylǵa osy maqsattarǵa bıýdjette 177,6 mlrd teńge qarastyrylǵan. Qazirgi ýaqytta baıqasańyzdar jeti baladan ary qaraı birkelki mólsherde. Sondyqtan, biz osy máseleni qarastyryp, segizinshi jáne odan keıingi balalarǵa da járdemaqyny saralanǵan túrde tóleý máselesin qarastyryp jatyrmyz. Sonda segiz balaǵa 74 000 emes, 85 000, on balaǵa – 106 000, on bes balaǵa – 159 myń teńgeden tólenetin bolady», - dedi Birjan Nurymbetov.

Sonymen qatar ol jańa tásilderge sáıkes AÁK toqsan saıyn taǵaıyndalatyndyǵyn atap ótti. Eger eńbekke qabiletti áleýmettik kómek alýshylar jumysqa ornalasýǵa járdemdesý sharalarynan bas tartsa, onda AÁK kórsetý búkil otbasyna toqtatylatyn bolady.

«Osy jyldyń 1 aqpanyna kómek 37,4 myńnan astam otbasyna nemese 187,3 myńnan astam adamǵa, onyń ishinde 122,9 myń balaǵa taǵaıyndaldy. Sonymen qatar, tabysy az otbasylardyń balalary úshin kepildendirilgen áleýmettik toptama engizildi jáne berile bastady. Ákimniń áleýmettik máseleler jónindegi orynbasarlary kepildendirilgen áleýmettik toptamalardyń ýaqytyly berilýin qamtamasyz etýi kerek. Tabysy az otbasyndaǵy árbir balaǵa memlekettik kómek kórsetilýi tıis», – dedi mınıstr.

Foto: fishki.net


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT