+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Kópbalaly otbasylardyń bıznespen aınalysýyna mıkrokredıtteý sharttary jeńildetildi

2020 jylǵy 10 qańtar 17:08
Bólisińiz:
Kópbalaly otbasylardyń bıznespen aınalysýyna mıkrokredıtteý sharttary jeńildetildi

TÚRKІSTAN. QazAqparat - Túrkistan oblysynyń Óńirlik kommýnıkatsııalar qyzmetinde 2020 jyldyń 1 qańtarynan bastap engizilgen ataýly áleýmettik kómek kórsetýdiń jańa formatyna arnalǵan brıfıng ótti, dep habarlaıdy QazAqparat.

Oblys ákiminiń orynbasary Ulan Tájibaev jańa joba 3 baǵytty qamtıtynyn aıtty.

«Birinshi baǵyt boıynsha, kópbalaly otbasylar jeke sanatqa shyǵarylyp, olarǵa kepildendirilgen járdemaqy usynylady. Bul rette, kópbalaly otbasy – az qamtylǵan otbasy degen stereotıpten arylamyz. Ekinshi baǵytta, az qamtylǵan sanattaǵy azamattardy qoldaý jáne olardy eńbekke yntalandyrý kózdelgen. Úshinshi baǵytta, barlyq AÁK alýshy otbasylardaǵy balalarǵa zattaı qoldaýdy qamtıtyn kepildendirilgen paketti usyný kózdelgen», – dedi U.Tájibaev.
Óńirlik Jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaeva AÁK alatyn jumyssyz azamattarǵa baǵdarlamaǵa sáıkes jumys usynylatynyn jáne odan bas tartqan jandarǵa áleýmettik kómek berilmeıtinin atap ótti.

«Kópbalaly jáne tabysy az otbasylar úshin olardyń kásipkerlik belsendiligin yntalandyrý maqsatynda mıkrokredıt berý sharttary jeńildetildi. Olarǵa mıkrokredıtter jyldyq 4 paıyzdan aspaıtyn paıyzdyq mólsherlememen 7 jylǵa deıingi merzimge jeńildikti sharttarmen beriletin bolady. Budan basqa, halyqtyń barlyq sanattary úshin memlekettik granttardyń biryńǵaı mólsheri – 200 AEK (530,2 myń teńge) belgilengen. Bul rette, kópbalaly jáne tabysy az otbasy músheleriniń aldyn ala oqýsyz grant alýǵa quqyǵy bar», – dedi Á.Temirbaeva.
«Azamattarǵa arnalǵan úkimet» memlekettik korporatsııasy» kommertsııalyq emes AQ-nyń Túrkistan oblysy boıynsha fılıaly dırektorynyń orynbasary Saǵıra Aıtanaeva járdemaqyny tóleý otbasynyń tabysyna táýeldi bolmaıtynyn jetkizdi. ıAǵnı, járdemaqy barlyq kópbalaly, kámelettik jasqa tolmaǵan balalary bar otbasylarǵa tólenbek. Tólemniń mólsheri otbasyndaǵy bala sanyna baılanysty eseptelmek.
«Járdemaqy – balalary 18 jasqa tolmaǵan kópbalaly otbasylarǵa tabysyna qaramastan 42500 teńgeden 73375 teńgege deıin beriledi. Máselen, 4 balaly otbasy – 42496 teńge, 5 balaly otbasyǵa – 53127 teńge, 6 balaly januıaǵa – 63757 teńge, 7 balaly otbasy úshin 74388 teńge taǵaıyndalady. Sondaı-aq, 18 jastan asqan balalary orta jáne joǵary bilim mekemelerinde oqyǵan jaǵdaıda, ol otbasylarǵa atalǵan memlekettik járdemaqy balasy 23 jasqa tolǵanǵa deıin tólenedi», – dedi S.Aıtanaeva.
Sonymen qatar, jańa jobaǵa sáıkes az qamtamasyz etilgen otbasylar úshin qosymsha áleýmettik kepildendirilgen paket engizildi. ıAǵnı, mektep jasyna deıingi balalar tamaqpen, gıgıenalyq quraldarmen, al mektep jasyndaǵy balalar ystyq tamaqpen, oqýǵa qajetti qural-jabdyqtarmen jáne kıim-keshekpen qamtylyp, jol aqysy tólenetin bolady.
Aıta keteıik, járdemaqy Túrkistan oblysy boıynsha qańtar aıynda 88 myńǵa jýyq otbasyn qamtıdy, ıaǵnı qańtar aıynda tolyq tólenedi. Al, aqpan aıynda 92 myńnan astam otbasy atalǵan járdemaqyny alatyn bolady. Ótken jyly ataýly áleýmettik kómek 110 myń otbasyǵa, ıaǵnı 632,8 myń turǵynǵa berilgen bolatyn.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT