Konstıtýtsııalyq reformanyń jeke menshiktegi jerge qatysy joq – Ádilet mınıstrligi
2022 jylǵy 27 maýsym 11:03

Konstıtýtsııalyq reformanyń jeke menshiktegi jerge qatysy joq – Ádilet mınıstrligi

NUR-SULTAN. QazAqparat – QR Ádilet mınıstrligi QazAqparattyń redaktsııalyq saýalyna joldaǵan jaýabynda respýblıkalyq referendým arqyly qabyldanǵan konstıtýtsııalyq reformadaǵy jer qoınaýy men tabıǵat resýrstaryna qatysty bapqa túsinikteme berdi.

«Konstıtýtsııanyń 6-babynyń 3 tarmaǵyna usynylǵan túzetýdiń jeke menshiktegi jerge qatysy joq. Bul túzetý arqyly jer men onyń qoınaýy, sýy, ósimdikter men janýarlar álemi, ózge de tabıǵı resýrstary halyqqa tıesili ekenin atap kórsetý kózdelgen. Qazirgi tańda Konstıtýtsııa boıynsha atalǵan resýrstar memlekettik menshigi retinde bekitilgen. Endi bul ıgilikterge memleket halyqtyń atynan menshik quqyǵyn iske asyra alady dep jazý usynylyp otyr», - dep jazylǵan vedomstvonyń baspasóz qyzmeti joldaǵan jaýapta.

Mınıstrlik mamandary Konstıtýtsııadaǵy jerge degen jeke menshik quqyǵynyń kepildigi saqtalatynyn aıtyp otyr.

«Qazaqstan Respýblıkasynda menshik quqyǵyna Konstıtýtsııanyń 26-babynyń 2 tarmaǵynyń 39-babynyń 3-tarmaǵy boıynsha menshik quqyǵyn shekteýge eshqandaı jol joq ekeni aıtylǵan», - dep jazylǵan mınıstrliktiń jaýabynda.

Eske salsaq, Májilis spıkeri Prezıdentke konstıtýtsııalyq reformalardy odan ári júzege asyrýǵa qatysty aldaǵy zań shyǵarý jumystary jóninde baıandaǵan edi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT