+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Konstıtýtsııalyq Keńes Prezıdenttiń ótinishi boıynsha sheshim qabyldady

2021 jylǵy 4 maýsym 18:18
Bólisińiz:
Konstıtýtsııalyq Keńes Prezıdenttiń ótinishi boıynsha sheshim qabyldady

NUR-SULTAN. QazAqparat – Konstıtýtsııalyq Keńes Prezıdent Qasym-Jomart Toqaevtyń «Qazaqstan Respýblıkasynyń keıbir zańnamalyq aktilerine advokattyq qyzmet jáne zań kómegi máseleleri boıynsha ózgerister men tolyqtyrýlar engizý týraly» Zańdy Respýblıka Konstıtýtsııasyna sáıkestigine tekserý týraly ótinishi boıynsha sheshim qabyldady, dep habarlaıdy QazAqparat.

Konstıtýtsııalyq Keńestiń sheshimine berilgen túsiniktemeni usynamyz

* * *

Konstıtýtsııalyq Keńes atalǵan Zańdy Konstıtýtsııaǵa sáıkes dep taba otyryp, onyń jekelegen erejeleriniń dálme-dál tujyrymdalmaǵanyna jáne sabaqtas normalarmen úılespeıtinine nazar aýdardy. Ondaı mátin zań normalaryn oń túsinbeýge, sonyń sebebinen teris qoldanýǵa jaǵdaı jasaýy múmkin.

Máselen, zań konsýltantynyń qupııasyn saqtaý mindetinen alyp tastaýlardy zańǵa táýeldi normatıvtik quqyqtyq aktilerde belgileýge jol berilmeıdi dep tanyldy. Keńestiń pikirinshe, zań konsýltanttarynyń kásiptik qupııany saqtaý mindeti olardyń klıentteriniń jeke ómirine qol suǵylmaýyna, óziniń jáne otbasynyń qupııasy bolýyna konstıtýtsııalyq quqyqtaryn qamtamasyz etýge baǵyttalǵan, sol sebepti odan alyp tastaýlar tek zańdarmen rettelýi tıis.

Sheshimde advokatty lıtsenzııadan aıyrý jáne onyń advokattar alqasyndaǵy músheligin toqtatý rásimin, onyń ishinde attestattaý qorytyndylary boıynsha, bul áreketterdiń naqty protsedýrasyn anyqtaý múmkin emestigi atap ótildi.

Keńes advokattar kórsetetin zań kómeginiń túrlerine qatysty túzetýlerdiń úılespeıtinin anyqtady. Beıindi zańda olardyń tizbesinen quqyqtyq máseleler boıynsha anyqtamalar berý alyp tastalǵan. Deı turǵanmen, Qylmystyq-atqarý kodeksinde sottalǵandardyń osyndaı anyqtamalar alý quqyǵy saqtalǵan.

Keńes quramy zań konsýltanttary palatalarynyń erikti músheligine negizdelgen kommertsııalyq emes uıym retinde Respýblıkalyq zań konsýltanttary alqasyn qurýdy kózdeıtin Zańnyń erejelerin synı turǵydan baǵalady. Konstıtýtsııalyq Keńes zańda palatalar jarnalarynyń tómengi shegin bekitý jáne basqa sharalardy iske asyrý, eger olar zań konsýltanttarynyń búkil qoǵamdastyǵyna qatysty bolsa, olar kórsetetin zań kómeginiń sapasyn arttyrýǵa yqpal etse jáne qyzmettiń bir salasy ókilderiniń arasynda teńdikti buzý úshin jaǵdaı jasamasa, oryndy bolýy múmkin, dep esepteıdi.

Budan basqa, zańda zań kómegin kórsetý máselelerin quqyqtyq retteý deńgeılerine qatysty ishki qaıshylyqtar anyqtaldy. Eger keıbir normalarda bul máseleler tek zańdarmen reglamenttelýi múmkin dep kórsetilse, al basqa normalarda zańdyq kúshi tómen ózge de normatıvtik quqyqtyq aktilermen retteýge jol berilgen.

Baıandalǵandy eskere otyryp, Konstıtýtsııalyq Keńes quqyqtyq kollızııalardy joıý maqsatynda zań shyǵarýshynyń nazaryn aǵymdaǵy zańshyǵarmashylyq qyzmeti aıasynda qosymsha sharalar qabyldaý qajettigine aýdardy.

Konstıtýtsııalyq Keńes atap kórsetkendeı, bilikti zań kómegin alý quqyǵy árbir adamnyń ózi zańdyq mańyzy bar áreketter jasaǵan kezde joǵary bilikti zańgerlerdiń kásibı kómegin paıdalaný múmkindigin kózdeıdi. Osy quqyq Negizgi Zańda bekitilgen sot arqyly qorǵalý quqyǵyn jáne sot tóreligi qaǵıdattaryn iske asyrýmen tyǵyz baılanysty.

Osyǵan oraıda memleket jeke adamnyń atalǵan quqyǵyna kepildik berý úshin de, bilikti zań kómegin kórsetetin tulǵalar qyzmetiniń tıimdiligin qamtamasyz etý úshin de tıisti jaǵdaılar jasaý maqsatynda qajetti normatıvtik-quqyqtyq, uıymdastyrýshylyq jáne ózge sıpattaǵy sharalardy qabyldaýy tıis.

Konstıtýtsııalyq Keńes qaýlysynyń tolyq mátini basylymdarda jáne Keńestiń saıtynda jarııalanady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT