+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Konstıtýtsııalyq Keńes ólim jazasyn qoldaný máselelerin túsindirdi

2020 jylǵy 20 jeltoqsan 11:11
Bólisińiz:
Konstıtýtsııalyq Keńes ólim jazasyn qoldaný máselelerin túsindirdi

NUR-SULTAN. QazAqparat - QR Prezıdentiniń ótinishi boıynsha Konstıtýtsııalyq Keńes Respýblıka Konstıtýtsııasynyń ólim jazasyn qoldaný máselelerin reglamentteıtin erejelerine túsindirme berdi, dep habarlaıdy QazAqparat.

Memleket basshysynyń ótinishi Qazaqstannyń Ólim jazasynyń kúshin joıýǵa baǵyttalǵan Azamattyq jáne saıası quqyqtar týraly halyqaralyq paktige ekinshi Fakýltatıvtik hattamany (budan ári - Fakýltatıvtik hattama) aldaǵy ýaqytta ratıfıkatsııalaýymen baılanysty boldy. Ótinishte Respýblıka Konstıtýtsııasy erejeleriniń jáne Fakýltatıvtik hattamanyń eń aýyr jazany qoldaný máselelerin retteıtin normalarynyń araqatynasy týraly másele qoıyldy.

Konstıtýtsııalyq Keńes Fakýltatıvtik hattamany ratıfıkatsııalaý úshin Negizgi Zańǵa túzetýler engizýdiń qajeti joq dep sheshti.

Bul rette, Keńes Konstıtýtsııaǵa jáne jalpyǵa birdeı tanylǵan halyqaralyq aktilerge sáıkes ómir súrý quqyǵy demokratııalyq qoǵamnyń negizgi qundylyǵy bolyp tabylatynyn jáne memleket barlyq adamdar úshin osy quqyqty júzege asyrýǵa kepildik berýge mindetti ekenin atap ótti.

Álemdik qoǵamdastyqtyń teń quqyqty múshesi retinde Qazaqstan alǵashqy kezden bastap qylmystyq zańnamada ólim jazasynyń kúshin joıý úrdisin eskerip keledi jáne osy jyldar ishinde elde eń aýyr jazany qoldanbaýdyń ornyqty quqyqtyq rejımi qalyptasty.

Osy baǵytty dáıekti iske asyrýdaǵy kezekti kezeńdi Qazaqstan Respýblıkasynyń 2020 jylǵy 23 qyrkúıekte atalǵan Fakýltatıvtik hattamaǵa qol qoıýy ashty.

Qazaqstan Konstıtýtsııasynda adamdardyń qaza bolýymen baılanysty terrorıstik qylmystar jasaǵany úshin, sondaı-aq soǵys ýaqytynda erekshe aýyr qylmystar jasaǵany úshin ólim jazasyn belgileýge jol beriletinin nazarǵa ala otyryp, Keńes ólim jazasynyń kúshin joıý týraly halyqaralyq shartty ratıfıkatsııalaý Respýblıka Parlamentiniń quzyretine kiretinin atap ótti. Bul rette, Negizgi Zańda osy qylmystar úshin qylmystyq zańda ólim jazasyn belgileý nemese odan bas tartý, olardyń sheńberin qysqartý týraly máseleni Parlamenttiń qaraýyna qaldyrylady. Zań shyǵarýshy ólim jazasynyń kúshin ulttyq zańnamaǵa tıisti túzetýler engizý arqyly ǵana emes, sondaı-aq jazanyń osy túri belgilenýi múmkin qylmystardy joıýdy nemese olardyń sanyn shekteýdi kózdeıtin halyqaralyq shartty ratıfıkatsııalaý arqyly da joıa alady.

Keńes óz sheshiminde Konstıtýtsııa Fakýltatıvtik hattamany ratıfıkatsııalaýǵa kedergi bolmaıtynyn atap ótti. Fakýltatıvtik hattama ratıfıkatsııalanǵannan keıin Qazaqstan Respýblıkasynyń Qylmystyq kodeksi onyń talaptaryna sáıkes keltirilýi tıis.

Konstıtýtsııalyq Keńes qaýlysynyń tolyq mátini baspasózde jáne Keńes saıtynda jarııalanady.

Eske salaıyq, 23 qyrkúıekte Birikken Ulttar Uıymynyń shtab-páterinde Qazaqstannyń BUU janyndaǵy Turaqty ókili Qaırat Omarov ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktiniń ekinshi Fakýltatıvtik hattamasyna qol qoıdy.

Sol kúni ólim jazasyn joıý týraly halyqaralyq Hattamaǵa qosylý týraly sheshimdi Qazaqstan Prezıdenti Qasym-Jomart Toqaev BUU Bas Assambleıasynyń 75-shi mereıtoılyq sessııasynyń jalpy saıası pikirtalas barasynda sóılegen sózinde jarııalady.

Keıinnen QR Syrtqy ister mınıstrliginiń baspasóz qyzmeti Qazaqstannyń atalmysh halyqaralyq paktige qosylýyna qatysty túsinikteme berdi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT