+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Konstıtýtsııa elimiz alǵa qoıǵan uly murattarǵa tolyq saı keledi - Senat depýtaty R.Ahmetov

2009 jylǵy 26 tamyz 10:45
Bólisińiz:

ORAL. Tamyzdyń 26-sy. QazAqparat /Ǵaısaǵalı Eraly/ - Qazaqstan Respýblıkasynyń Konstıtýtsııasy elimiz alǵa qoıǵan uly murattarǵa tolyq saı keledi.

Bul týraly QazAqparat tilshisine Batys Qazaqstan oblysynan saılanǵan QR Parlamenti Senatynyń depýtaty Rashıt Ahmetov málim etti.

Depýtattyń aıtýynsha, halyq qalaýlylary Parlamentte zańdardy qabyldaý kezinde eń aldymen osy Ata zańǵa arqa súıeıdi. Bylaısha aıtqanda, ol túbegeıli túrde qabyldanǵan negizgi zań bolyp esepteledi. Oǵan kóp ózgeris engizile qoıǵan da joq. Bul zań áli de uzaq merzim boıy baǵyt-baǵdar beretin tapjylmaıtyn Temirqazyq ispettes.

Qazaqstan aldaǵy jyly EQYU-ǵa tóraǵalyq etpek. Bul - halyqaralyq qaýymdastyqtyń elimizdi tanýynyń taǵy bir jarqyn aıǵaǵy. TMD elderi ishinde tańdaýdyń Qazaqstanǵa túsýi teginnen-tegin emes. Osy baǵytta depýtattar tarapynan da birtalaı jumystar jasaldy. Eger de Konstıtýtsııamyz bolmasa, elimiz mundaı tabysqa jetpes edi. Sheteldikter sheshim qabyldar kezde aldymen sol eldiń Ata zańy qandaı, zańdary qandaı deńgeıde, demokratııalyq damýy, baǵyt-baǵdary - osynyń bárine zer salady.

«Bıyl Konstıtýtsııa kúni keń kólemde toılanǵaly otyr. Tuńǵysh ret áskerı sherý bolmaq. Bul kún - bárimiz úshin de asa qasterli, erekshe meıram», dedi sóziniń sońynda senator.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT