Qonaev qalasynda masaǵa qarsy óńdeý jumystary bastaldy
2022 jylǵy 17 mamyr 23:38

Qonaev qalasynda masaǵa qarsy óńdeý jumystary bastaldy

TALDYQORǴAN. QazAqparat - Qonaev qalasynda masalarǵa qarsy óńdeý jumystary bastaldy, dep habarlaıdy QazAqparat tilshisi.

«17 mamyrda Qonaev qalasynda bezgek masasyna qarsy óńdeý jumystary bastaldy. Onymen sanıtarııalyq-epıdemıologııalyq saraptama ortalyǵynyń mamandary, qalalyq sanıtarııalyq-epıdemıologııalyq baqylaý basqarmasy jáne ákimdik ókilderi aınalysady. Іs - sharanyń maqsaty - bezgekti tasymaldaýshylar sanynyń ósýine jol bermeý. Óńdeýdiń birinshi kezeńi 17-24 mamyr aralyǵyna josparlanyp otyr»,- delingen Almaty oblystyq sanıtarııalyq epıdemıologııalyq qadaǵalaý departamenti taratqan habarlamada.

Vedomstvonyń aqparatyna sáıkes, turǵyndar aı saıyn jyly mezgilde turǵyn úılerdiń jertólelerin óńdeýi qajet.

«Kásipkerlerge beretin keńesimiz, demalys bazalarynyń aýmaqtarynda masalardyń kóbeıýi men tirshiligi úshin qolaıly jaǵdaı jasaıtyn sý qoımadaǵy jaǵany ósimdikterden (qamys, balshyq, baldyrlar) tazarta otyryp, masalarǵa qarsy óńdeýdi júrgizýińizdi suraımyz. Joǵaryda atalǵan sharalardy ýaqytyly jáne sapaly ótkizý jándikterdiń sanyn azaıtýǵa yqpal etedi»,- dep tolyqtyrdy atalǵan vedomstvonyń baspasóz qyzmetinen.


Jańalyqtar

MURAǴAT