+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Kommýnıster balany mektepke daıyndaý standartyn ázirleýdi usyndy

2020 jylǵy 11 qyrkúıek 17:43
Bólisińiz:
Kommýnıster balany mektepke daıyndaý standartyn ázirleýdi usyndy

KÓKShETAÝ. QazAqparat – Qazaqstan kommýnıstik halyq partııasy Aqmola oblystyq komıteti «Qazirgi zamanǵy mektepke deıingi bilim berý máseleleri» taqyrybynda dóńgelek ústel otyrysyn ótkizdi, dep habarlaıdy QazAqparat tilshisi.

Uqsas jańalyqtar
Kommýnıstik partııa eńbek ujymdary keńesin qurýdy usyndy

Onlaın sharaǵa «Atameken» ulttyq kásipkerler palatasynyń, aýdandyq jáne qalalyq bilim bóliminiń ókilderi qatysyp, balalardy mektepke daıyndaý standartyn birizdendirý qajet degen ortaq tujyrymǵa keldi.

QR Prezıdenti Qasym-Jomart Toqaev halyqqa arnaǵan Joldaýynda mektepke deıingi balanyń jan-jaqty damý máselesin sheshý qajettigin atap ótti.

«Tek memlekettik balabaqshalardyń qurylysymen bul másele sheshilmeıdi. Jeke bıznesti tartý kerek. Qarjylandyrýdyń vaýcherlik tetiginen bólek, qoldaýdyń jańa nysandaryn tabý qajet. Ata-analar kez kelgen balabaqshany nemese mektepti tańdap, sol jerde vaýcher arqyly tólem jasaı alady», – degen bolatyn Memleket basshysy.

Jıyn barysynda kommýnıster, eń aldymen, júıeni tutastaı tártipke keltirý kerektigin aıtty.

«Qazaqstanda mektepke deıingi bilim berýdi damytý boıynsha birqatar zańdar qabyldandy. Alaıda, júıedegi shatqaıaqtaý protsess saldarynan mektepke deıingi balalarǵa arnalǵan mekemelerdiń aldyna qoıylǵan maqsattarǵa qol jetkizilgen joq», – dedi óz sózinde Aqmola oblystyq komıtetiniń ekinshi hatshysy Raısa Balahontseva.

Sonymen birge, ol mektepke deıingi bilim jalpy bilim berý júıesiniń negizi ekenin eske saldy. Óıtkeni, ol balanyń bolashaq damýyn aıqyndaıdy, jeke tulǵanyń negizin qalaıdy.

«Іs júzinde qazirgi mekemeler ata-analardyń esebinen qamtylyp tur jáne bıýdjet pen demeýshilerdiń qoldaýyn ishinara paıdalanady. Osydan-aq balalardy mektepke daıyndaý boıynsha kórsetiletin bilim berý qyzmetteriniń aıyrmashylyǵyn baıqaýǵa bolady. Demek, úzdiksiz bilim berý júıesi eń bastapqy, sheshýshi býynǵa túsedi», – dep tolyqtyrdy Raısa Balahontseva.

Pikirtalas qatysýshylary atap ótkendeı, mundaı tásil kezinde áleýmettik teńsizdik eń bastapqy deńgeıde qalanady. Mektepke tájirıbeli muǵalimder daıyndaǵan balalar qurdastaryna qaraǵanda anaǵurlym alda bolady. Alaıda, elimizde naqty biryńǵaı bilim berý standarty joq. Respýblıkada birneshe jyl buryn engizilgen qarjylandyrý ádistemesi de aqsap tur.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT