+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Komıtet ókilderi koronavırýstan qaıtys bolǵan dárigerdiń týystaryna kóńil aıtty

2020 jylǵy 10 sáýir 23:44
Bólisińiz:
Komıtet ókilderi koronavırýstan qaıtys bolǵan dárigerdiń týystaryna kóńil aıtty

NUR-SULTAN. QazAqparat – QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń ujymy koronavırýstan qaıtys bolǵan dárigeriń týystary men jaqyndaryna kóńil aıtty, dep habarlaıdy QazAqparat.

Bul týraly Tótenshe jaǵdaı rejımin qamtamasyz eý jónindegi memlekettik komıssııanyń Jedel shtabynan málim boldy.

«QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń ujymy «Abdı Ibrahım Global Farm «JShS-niń bas dırektory Zııathan Ahmeduly Gasanovtyń mezgilsiz qaıtys bolýyna baılanysty týǵan-týystary men jaqyndaryna qaıǵyryp kóńil aıtty. Ol alǵashqylardyń biri bolyp medıtsına qyzmetkerleri men qazaqstandyqtarǵa koronavırýs ınfektsııasymen kúreste kómektesip, ókinishke oraı, osy indettiń kesirinen kóz jumdy.

Zııathan Ahmeduly óz isiniń sheberi boldy, ol elimizdiń farmatsevtıka salasynyń damýyna zor úlesin qosty. Oǵan qosa, óziniń syrqattanyp júrgenine qaramastan, jalpyǵa birdeı tóngen qaýipke beı-jaı qaramaı, elimizge COVID-19 vırýsymen kúreste zor kómegin tıgizdi. Taýarlar men kórsetiletin qyzmetterdiń sapasy men qaýipsizdigin baqylaý komıtetiniń aýmaqtyq departamentteriniń medıtsına qyzmetkerlerine jeke qorǵanysh quraldaryn tegin berdi.

Jany jaısań azamat, áke, ul, tamasha basshynyń ómirden ozýyna baılanysty qaıǵyryp kóńil aıtamyz. Zııathan Ahmedulynyń otbasymen jáne ózi qurǵan kásiporyn ujymymen orny tolmas qaıǵyǵa ortaqtasa otyryp, kóńil aıtamyz. Biz Qazaqstannyń laıyqty azamaty týraly jaqsy estelikterdi júregimizde saqtaımyz»,-delingen habarlamada.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT