+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Komıtet «Bek Air» sertıfıkattary nelikten ýaqytsha toqtatylǵanyn túsindirdi

2020 jylǵy 17 aqpan 16:44
Bólisińiz:
Komıtet «Bek Air» sertıfıkattary nelikten ýaqytsha toqtatylǵanyn túsindirdi

NUR-SULTAN. QazAqparat – QR IIDM Azamattyq avıatsııa komıteti «Bek Air» áýe kompanııasynyń ýájine jaýap berdi. Atalmysh áýe kompanııa ózine tıesili «paıdalanýshy sertıfıkatyn jáne ushýǵa jaramdylyǵy sertıfıkattaryn zańsyz toqtatty» dep ótinish bergen bolatyn, dep habarlaıdy QazAqparat tilshisi.

Uqsas jańalyqtar

Komıtettiń habarlaýynsha, 2020 jyldyń 3 aqpanynda Nur-Sultan qalasynyń mamandandyrylǵan aýdanaralyq ekonomıkalyq sotynyń qaýlysy shyqqan. Oǵan sáıkes «Bek Air» áýe kompanııasynyń Qazaqstannyń avıatsııalyq ákimshiligine qarsy paıdalanýshy sertıfıkatyn jáne ushýǵa jaramdylyǵy sertıfıkattaryn toqtatý týraly sheshiminiń kúshin joıý týraly ótinishi boıynsha sot isi toqtatylǵan. Sot barysynda Qazaqstannyń avıatsııalyq ákimshiliginiń sarapshylary Almaty qalasyndaǵy áýe apatynan keıin áýe kompanııasyna júrgizilgen jospardan tys tekserýdiń aralyq qorytyndylaryn usynǵan.

«Jospardan tys tekserýdiń aralyq aktisinde ushý qaýipsizdigine tikeleı qater tóndiretin QR áýe keńistigin paıdalaný jáne avıatsııalyq qyzmet týraly zańnama talaptarynyń aıtarlyqtaı buzýshylyqtary kórsetildi. Aralyq aktide kórsetilgen buzýshylyqtar paıdalanýshy sertıfıkatyn toqtata turýǵa negiz bolady», - delingen sot qaýlysynda.

Qazaqstannyń avıatsııalyq ákimshiligi paıdalanýshy sertıfıkaty qoldanysynyń toqtatylýyna «Fokker-100» ushaǵynyń apatqa ushyraýy sebep bolǵanyn habarlady. Bul týraly 2019 jylǵy 27 jeltoqsanda ushaq apatynan keıin «Bek Air» AQ-qa jiberilgen tikeleı radıogrammada da kórsetilgen. Sheshim «QR áýe keńistigin paıdalaný jáne avıatsııa qyzmeti týraly» zańǵa sáıkes qabyldanǵan. Onda sertıfıkat ushý qaýipsizdigine tikeleı qater tóndiretin zań talaptaryn aıtarlyqtaı buzýshylyqtar anyqtalǵan jaǵdaıda shekteletini kórsetilgen.

«Bek Air áýe kompanııasynyń ushaǵy apatqa ushyraǵannan keıin «Qazaqstannyń avıatsııalyq ákimshiligi» paıdalanýshy sertıfıkatynyń jáne ushýǵa jaramdylyǵy sertıfıkattarynyń qoldanysyn toqtatty. Bul sheshim áýe kompanııasynda keıingi úsh jyl ishinde eki iri oqys oqıǵanyń oryn alǵandyǵyna negizdelip otyr. Sonymen qatar, osy ýaqyt aralyǵynda jınalǵan ushý saǵattarynyń sanyna súıene otyryp, qaýipsizdikpen baılanysty máselelerdiń jıiligi – áýetasymaldaýshy úshin qaýipsizdiktiń ruqsat etilgen deńgeıinen edáýir joǵary boldy. Sertıfıkattardyń qoldanylýyn toqtata turý nátıjesinde «Bek Air» áýe kompanııasynyń qoldanystaǵy paıdalanýshy sertıfıkatyn muqııat tekserý jumystary bastaldy. Tekserý barysynda birqatar buzýshylyqtar anyqtaldy. Bul týraly Qazaqstannyń avıatsııalyq ákimshiligi buryn habarlaǵan edi», - dep málim etti komıtetten.

Sondaı-aq, tekserý áýe kompanııanyń áýe kemelerine jóndeý júrgizilgen «Bek Air»-diń tehnıkalyq ortalyǵyn qamtyǵan. Nátıjesinde birinshi deńgeıdegi eleýli buzýshylyqtar anyqtalyp, sonyń negizinde avıatsııalyq tehnıkasyna qyzmet kórsetý jáne jóndeý jónindegi uıymnyń sertıfıkaty eskertýlerdi joıǵanǵa deıin toqtatylǵan.

«Qazaqstannyń avıatsııalyq ákimshiligi «Bek Air» AQ qyzmetine qatysty 2019 jyldyń 27 aqpanyna deıin júrgizilgen jospardan tys tekserý nátıjelerin áýe kompanııasyna jiberedi. Hatty alǵannan keıin áýe kompanııasy 10 kún ishinde ákimshilikke barlyq kemshilikti joıý boıynsha túzetý is-qımyldarynyń josparyn usynýy tıis. Eger buzýshylyqtar 6 aı ishinde joıylmasa, paıdalanýshy sertıfıkaty men ushýǵa jaramdylyq sertıfıkattary keri qaıtarylady», - dep eskertti komıtetten.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT