+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Kólsaı kólderinde ekotýrızm qalaı damıdy

2021 jylǵy 13 mamyr 00:23
Bólisińiz:
Kólsaı kólderinde ekotýrızm qalaı damıdy

ALMATY. QazAqparat - Jaqynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev «Kólsaı kólderi» memlekettik ulttyq tabıǵı parkinde bolyp, ekotýrızm ınfraqurylymyn qurý jobasymen tanysty. Bul týraly QazAqparat Ekologııa mınıstrligine silteme jasap habarlaıdy.

Aıta keteıik, Ulttyq parktegi týrıster sany jyl saıyn artyp keledi. Pandemııa sheteldik kýrorttarǵa shekteý bolǵanymen, ishki týrızmniń damýyna jol ashty.

Máselen, ótken jyly Kólsaıǵa 80 myńǵa jýyq týrıst kelse, bıyl olardyń sany 135 myńǵa jýyq bolady dep kútilýde. Bul naqty kórsetkish emes, kelýshiler sany budan da kóp bolýy múmikin. Ulttyq parkte qaýipsiz týrıstik baǵyttar men soqpaqtar, zamanaýı vızıt-ortalyqtar, glempıngter, kempıngter, qazaq aýyldary jáne kerýen joly, kórý alańdary, demalýǵa arnalǵan oryndar sııaqty jaǵdaılar jasalǵannan keıin kelýshiler sany eselep artady.

Eldegi ulttyq parkterde ekotýrızmdi damytý Tujyrymdamasy osyǵan saıady. Ol tujyrymdamada týrıstik obektiler qorshaǵan ortaǵa eń az júktememen kúrdeli qurylyssyz ornalastyrylatyny da qarastyrylǵan.

«Kólsaı kólderi boıynsha biz kólderden tómen ınfraqurylym salý týraly sheshim qabyldadyq, avtokólikterdiń kirýi shekteledi, óıtkeni Qaıyńdy kóli erekshe, ony saqtaý mańyzdy. Investor qajetti ekologııalyq, bıologııalyq zertteýler júrgizgenin atap ótemin. Munda «zııan tıgizbeý» qaǵıdasy basty orynda tur» - dedi mınıstr Ulttyq parkke barǵan kezinde.

Sondaı-aq, kóldiń bógetin qalpyna keltirý josparlanýda, qazir jobalyq-zertteý jumystary júrgizilýde. Qaıyńdy kóli shamamen 100 jyl buryn seldiń qulaýy nátıjesinde paıda bolǵan. Sońǵy jyldary bóget shaıylyp, kóldiń deńgeıi tómendeı bastady.

«2-3 jyl ishinde munda jańa týrıstik marshrýttar, jaıaý júrginshilerge arnalǵan joldar jasalady. Barlyq josparlanǵan jumystardy júzege asyrý úshin konkýrs qorytyndysy boıynsha jeke ınvestor anyqtaldy, ol Kólsaıda birneshe jyldan beri jumys istep keledi, bul oryndardy jaqsy biledi. Ekotýrızm boıynsha barlyq jobalar ulttyq parktiń týrıstik aımaǵynda ǵana iske asyrylatyn bolady», - dep atap ótti Maǵzum Myrzaǵalıev.

Aıtap ketsek, bıyl «Kólsaı kólderi» MUTP-da ekotýrızmdi damytý baıqaýynda jeńiske jetken ınvestor – «Atyraý-Rent» JShS Ulttyq parkti damytýǵa 5 mlrd.teńgege jýyq ınvestıtsııa tartýdy josparlap otyr. Ekologııalylyq mándi eskere otyryp, jobanyń iske asyrylýyn baqylaýdy ulttyq park janyndaǵy Qoǵamdyq keńes júzege asyratyn bolady.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT