+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

«Kólsaı kólderi» ulttyq parkinde ekotýrızmdi damytý kontseptsııasy tanystyryldy

2020 jylǵy 1 qazan 08:44
Bólisińiz:
«Kólsaı kólderi» ulttyq parkinde ekotýrızmdi damytý kontseptsııasy tanystyryldy

ALMATY OBLYSY. QazAqparat - Almaty oblysyndaǵy Saty aýylynda «Kólsaı kólderi» memlekettik ulttyq tabıǵı parkiniń damý tujyrymdasy qoǵam ókilderine tanystyryldy, dep habarlaıdy QazAqparat ECO NEWS Telegram kanalyna silteme jasap.

Uqsas jańalyqtar
Almatyda elektrokarlardy tirkeý servısi ashyldy Qostanaıda Sibir eligin zańsyz atqandar ustaldy Maǵzum Myrzaǵalıev ekologııalyq quqyqbuzýshylyq úshin jazany ne úshin kúsheıtý kerektigin túsindirdi

Tujyrymdama boıynsha parkte zamanaýı 3 vızıt-ortalyq, glempıngter, kempıngter etno-aýyldar salyp, karavanıngke arnalǵan oryndar daıyndaý kózdeledi. Bul rette týrıstik marshrýttar men soqpaqtardy damytýǵa basty nazar aýdarylady. Kúrdeli qurylys bolmaıdy. Jeńil konstrýktsııalar qoldanylady.

«Kólsaı-kólderi» memlekettik ulttyq tabıǵı parkiniń dırektory Danııar Turǵanbaev parktegi ekotýrızmge arnalǵan ınfraqurylym qorshaǵan ortaǵa zııan keltirmes úshin negizgi kólderden alys bolatynyn aıtty.

«Qaıyńdy, Kólsaı kólderine birde-bir nysan jaqyn salynbaıdy. Ǵımarattardyń bári tómen ornalasady. Shatqaldyń ishine kirmeıdi. Bul – tabıǵattyń suranysyn, qajettiligin eskerilip jasalǵan tujyrymdama. Kontseptsııanyń basty maqsaty – ekojúıeni buzbaý. Adamdar jaıaý nemese velosıpedpen júrip, tabıǵatqa zııan tıgizbeı demalatyn jaǵdaıǵa kelýimiz kerek. Taǵy bir maqsatymyz - eldimeken turǵyndaryn jumyspen qamtý. Tek iri bıznes ókilderi emes, jergilikti halyq týrızmniń paıdasyn kórýi tıis»- dedi ol jıynda.

Týrızmdi damytýdyń memlekettik baǵdarlamasyna sáıkes, ekotýrızm jobalary da 2020 jyly nátıjesin bere bastaýy tıis.

«Aldyn ala esepteýler boıynsha týrıstik marshrýttardyń sany artady, jergilikti turǵyndar úshin jańa jumys oryndary paıda bolady, qonaq úı qory keńeıedi jáne shatyrlar men lagerler úshin kóbirek oryn bolady. Bul rette tabys jylyna 150 mln teńgege deıin ósedi», - dedi – «Kólsaı Kólderi» Ulttyq memlekettik tabıǵı parkiniń Bas dırektory Danııar Turǵanbaev.

Aıta keteıik, 2019 jyly «Kólsaı kólderi» ulttyq parkine 87 myń týrıst kelip, 30 mln teńge paıda túsken.

Aldaǵy ýaqytta «Kólsaı kólderi» ulttyq parkinde ekotýrızmdi damytý boıynsha qoǵamdyq keńes qurý josparlanyp otyr.

«Damý kontseptsııasyn parktiń janynan qurylatyn Qoǵamdyq keńeske shyǵaramyz. Sol keńes jan-jaqty qarap, talqylap bolǵan soń ári qaraı zańǵa sáıkes áreket etemiz. Úlken ınvestıtsııalyq joba arqyly nysandar paıda bolady. Tujyrymdany erteń bıznes ókilderi ınvestıtsııalyq jobamen kelgende bizdiń talaptardy tolyq túsinsin dep jasap jatyrmyz. Baıqaýǵa qatysqan kásipker bizdiń tujyrymdamadaǵy ıdeıa bolǵan jaǵdaıda ǵana jumys isteýge múmkindik alady», - dep eskertti Ekologııa, geologııa jáne tabıǵı resýrstar vıtse-mınıstri Erlan Nysanbaev.

Jıynǵa qatysqan týrıstik qaýymdastyqtar, ǵalymdar, sarapshylar jáne qoǵam qaıratkerleri ulttyq parkti aralap, bolashaqta ınfraqurylym salynatyn oryndarmen tanysty. Úmitti ınvestorlar óz jobalaryn kórsetti.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT