+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Kólikti mas kúıinde basqarǵandar júrgizýshi kýáliginen 8 jylǵa aıyrylady

2019 jylǵy 20 qarasha 12:00
Bólisińiz:
Kólikti mas kúıinde basqarǵandar júrgizýshi kýáliginen 8 jylǵa aıyrylady

NUR-SULTAN. QazAqparat – QR Bas prokýrorynyń orynbasary Marat Ahmetjanov kólikti mas kúıinde basqaryp, adamdy mert qylǵandardy 10 jylǵa bas bostandyǵynan aıyrý jazasy usynylǵanyn aıtty, dep habarlaıdy QazAqparat tilshisi.

«Mas kúıinde kólik júrgizgeni úshin jaýapkershilikti kúsheıtýdi usynyp otyrmyz. Qazir mas bolsyn, saý bolsyn adamdy mashınamen qaǵyp óltirip alsa, jaza birdeı, ary ketse bes jyl. Endi mas kúıinde jasalǵan osyndaı qylmys on jylǵa bas bostandyǵynan aıyryp, ómirboıy kólik quraldarynan basqarý quqyǵynan aıyrylady», - dedi M. Ahmetjanov Parlament Májilisiniń jalpy otyrysynda.

Onyń sózine qaraǵanda, Ákimshilik quqyq buzýshylyq kodeksine mas kúıinde kólik aıdaǵany úshin 30 táýlikke deıin ákimshilik qamaý merzimi uzartylyp, júrgizý quqyǵynan aıyrý merzimi segiz jylǵa ulǵaıady.

Aıta keteıik, búgin jalpy otyrysta palata depýtattary «Qazaqstan Respýblıkasynyń keıbir zańnamalyq aktilerine qylmystyq jáne qylmystyq-protsestik zańnamany jetildirý máseleleri boıynsha ózgerister men tolyqtyrýlar engizý týraly» zań jobasy talqylap, birinshi oqylymda maquldady.

Osy oraıda, urlyqqa qatysty áreketter aýyr qylmystar sanatyna kóshetini málim boldy.

Sonymen qatar, ınspektordy jáne qoryqshynyń ómirine qaýip tóndirip, kúsh qoldanǵany úshin jaýapkershilik engizý qarastyrylǵan. Osyndaı qylmystar úshin jıyrma jylǵa deıin bas bostandyǵynan aıyrylmaq.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT