Kóliktegi polıtsııa departamentiniń basshysy taǵaıyndaldy

2022 jylǵy 28 qarasha, 15:18
Kóliktegi polıtsııa departamentiniń basshysy taǵaıyndaldy

ASTANA. QazAqparat – QR Prezıdent Ákimshiliginiń kelisimi jáne Іshki ister mınıstriniń buıryǵymen Kóliktegi polıtsııa departamentiniń bastyǵy bolyp Baqytjan Malybaev taǵaıyndaldy, dep habarlaıdy QazAqparat tilshisi.

Búgin jańa basshyny Іshki ister mınıstri Marat Ahmetjanov jeke quramǵa tanystyrdy.

«Prezıdent Ákimshiliginiń kelisimi boıynsha ishki ister mınıstriniń buıryǵymen Kóliktegi polıtsııa departamentiniń bastyǵy laýazymyna polıtsııa polkovnıgi Malybaev Baqytjan taǵaıyndaldy. 30 jyldan astam ýaqyt ishki ister organdarynda ártúrli jaýapty basshylyq laýazymdarda jumys istedińiz. Jınaqtalǵan tájirıbe men qabiletterdiń arqasynda kólik polıtsııasynyń qyzmet kórsetý aýmaǵynda qaýipsizdikti tıisti deńgeıde qamtamasyz etetinińizge senimdimin», – dedi Marat Ahmetjanov.

Baqytjan Ásembekuly 1969 jyly 23 shildede Jambyl oblysy Qordaı aýdany Qyzyltas aýylynda dúnıege kelgen.

Іshki ister organdaryndaǵy qyzmetin 1990 jyly bastaǵan. 1990-2016 jyldar aralyǵynda ishki ister organdarynda túrli orta jáne aǵa basshylyq quramdarda qyzmet atqarǵan. 2016-2018 jyldary Astana qalasy ІІD Jergilikti polıtsııa qyzmetiniń bastyǵy, 2018-2019 jyldary Nur-Sultan qalasy Polıtsııa departamenti bastyǵynyń orynbasary boldy. Al 2019 jyldyń 22 mamyrynan bastap Astana qalasy Polıtsııa departamenti bastyǵynyń birinshi orynbasary qyzmetin atqardy.


Uqsas jańalyqtar
Tegı:
Seriktester jańalyqtary

Jańalyqtar