+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Kólik urlap, jol apatyn jasaǵan kúdikti ustaldy

2019 jylǵy 16 qarasha 06:16
Bólisińiz:
Kólik urlap, jol apatyn jasaǵan kúdikti ustaldy

JETІSAI. QazAqparat – Túrkistan oblysy, Jetisaı aýdanynda kólik urlap, jol apatyn jasaǵan kúdikti ustaldy. Qylmys jasaý kezinde mas bolǵan kúdikti urlanǵan kólikti soǵyp alǵan, dep habarlaıdy QazAqparat tilshisi.

Uqsas jańalyqtar
Jýalylyq turǵyn 4 kelige jýyq «gashısh» esirtkisin kómbede jasyrǵan Qaraǵandylyq barymtashy Aqmola oblysynan 50 jylqy urlaǵan Jazasyn ótep jatqan aǵasyna jasyryp uıaly telefon ótkizbek bolǵan - Qyzylorda

Túrkistan oblystyq PD baspasóz qyzmetiniń málimetinshe, kólik ıesi Jetisaı APB-ne aryzdanǵan.

Onyń aıtýynsha, tańǵy saǵat 07:00-der shamasynda Shymkentten Jetisaıǵa kele jatqan jolda Saryaǵash jaqtan erli-zaıypty azamattar qol kótergen. Olardy kólik ıesi otyrǵyzyp, alyp ketken. Alaıda kóliktiń artqy jaǵynda otyrǵan er adam Jetisaıǵa kelgende ózin qylqyndyryp, kólikti toqtatýǵa májbúr bolǵan. Osy sátti paıdalanǵan kúdikti kóligin urlap ketken.

Ony ustaý maqsatynda jetisaılyq polıtseılerden arnaıy top qurylyp, oqıǵa ornyna jetedi. Nátıjesinde qala kósheleriniń birinen kóliktiń jol-apatyna túsip, aýdarylyp jatqan jerinen tabady. Jábirlenýshi kólikte qaldyrǵan uıaly telefonyn taba almaǵan. Polıtseıler jaqyn aradaǵy bazarlarǵa baryp, uıaly telefon satyp alýshylardyń dúkenderin tekserdi. Jedel-izdestirý jumystarynyń nátıjesinde, 2-3 saǵat ishinde kúdiktini uıaly telefondy satyp turǵan jerinen qolǵa túsirdi. «Tergeý barysynda onyń Shymkent qalasynyń turǵyny ekeni anyqtalǵan. Jetisaı qalasyndaǵy ata-anasynyń úıine áıelimen kele jatqanda aram oıyn iske asyrǵan.

Qazirgi tańda QR QK 200-baby jáne 188-baby (Urlyq) boıynsha qylmystyq is qozǵaldy. Ol qamaýǵa alyndy. Tulǵasyn anyqtaý barysynda buǵan deıin «Tonaý» qylmysymen sotty bolǵany belgili boldy. Qazirgi tańda sotqa deıingi tergeý amaldary júrgizilýde», delingen habarlamada.

Óz kezeginde buzaqyǵa tap bolyp, kóliginen oıda-joqta aıyrylǵan turǵyn jetisaılyq polıtseılerge alǵys aıtty.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT