Kólik satyp alǵandardyń 35 paıyzy ǵana ýtılızatsııalyq alym tólegen – vıtse-mınıstr
2022 jylǵy 24 qańtar 20:23

Kólik satyp alǵandardyń 35 paıyzy ǵana ýtılızatsııalyq alym tólegen – vıtse-mınıstr

NUR-SULTAN. QazAqparat – QR Indýstrııa jáne ınfraqurylymdyq damý vıtse-mınıstri Marat Qarabaev «Habar» telearnasyndaǵy «Bolshaıa nedelıa» baǵdarlamasynda ýtılızatsııalyq alym tetiginiń mańyzy týraly pikir bildirdi, dep habarlaıdy QazAqparat tilshisi.

«Áýeli jurtqa «ÓKM operatory» JShS búginge deıin qalaı jumys istep kelgenin túsindirip kóreıik. Qoǵam ishinde ýtılızatsııalyq alym arqyly avtomobıl ónerkásibi qoldaý kórip otyr degen túsinik qalyptasyp alǵan. Ýtılızatsııalyq alym jınaý tetigi mynadaı jolmen jumys isteıdi. Avtomobıl ımporttaýshy da, otandyq óndirýshi de birdeı ýtılızatsııalyq alym tóleıdi. Biraq otandyq óndirýshi ÓKM-ge tólegen alymyn sol sátte-aq qaıtaryp alady. Sonda ımporttaýshy ýtılızatsııalyq alymdy tóleıdi, al otandyq óndirýshi shyǵarǵan kólik ishki naryqta ýtılızatsııalyq alymsyz satylady. Sonyń esebinen otandyq avtomobıldiń baǵasynda ýtılızatsııalyq alymnyń quny bolmaıdy», - degen mınıstrdiń orynbasary sózine naqty sandy dálel etip keltirdi.

«Qazaqstanda satyp alynyp jatqan avto kóliktiń bárine ýtılızatsııalyq alym salynady degen shyndyqqa janaspaıdy. 2021 jyly ishki naryqta 118 myń avtomobıl satylǵan bolsa, onyń aldyndaǵy jyly 97 myń kólik satylsa, sonyń 65 paıyzy otandyq avtoóndiris bolǵan. ıAǵnı azamattarymyzdyń basym bóligi ýtılızatsııalyq alymsyz kólik satyp alǵan. Aıtpaqshy, bizdegi ýtılızatsııalyq alym tetigi Reseı Federatsııasy men Belarýs Respýblıkasyndaǵy tetik sııaqty. Ózbekstan Respýblıkasynda da osyndaı tetiktiń balamasy bar. ıAǵnı otandyq óndiriske ýtılızatsııalyq alym sol sátte-aq qaıtaryp beriledi», - degen ýáj aıtty ol.

Vıtse-mınıstrdiń oıynsha, otandyq avtomobıl ónerkásibi básekege qabiletti brendterdiń bárin shyǵaryp otyr.

«Shynymen de azamattardyń 65 paıyzy kólikti ýtılızatsııalyq alymsyz satyp aldy. Qalǵan 35 paıyzy ımporttyq tehnıka satyp ákelgen. Qazir otandyq avtoóndiriste álemdik brendterdiń barlyq úlgisi bar. KIA da bar, Hyundai da bar , LADA, Chevrolet de bar. Sonda BMV men Mersedes qana qalyp otyr. Bul endi «premıým klass». Sonda 35 paıyzdyń qalǵany «premıým klastyń» kólikteri. Olardyń baǵasy 20 mln teńgeden bastalady. Mundaı kólikti tizgindegisi keletinder ýtılızatsııalyq alym tólemeımin dese, óndirisin tutas osynda jolǵa qoıý kerek. Sonda ǵana ýtılızatsııalyq alymsyz satyp alýǵa bolady», - dedi Marat Qarabaev.


Jańalyqtar

MURAǴAT