Qoldanystaǵy tsıfrlyq qujattardy barlyq memorgan zańdy túrde moıyndaýy tıis – Úkimet
2022 jylǵy 28 maýsym 12:49

Qoldanystaǵy tsıfrlyq qujattardy barlyq memorgan zańdy túrde moıyndaýy tıis – Úkimet

NUR-SULTAN. QazAqparat – QR Premer-Mınıstri Álıhan Smaıylov qyzmetterdi avtomattandyrý deńgeıi tómen mınıstrlikter men uıymdardy atady, dep habarlaıdy QazAqparat tilshisi.

«Jalpy, otandyq ІT-salany damytý, qazaqstandyq elektrondyq ónimderdi ázirleý baǵytynda belsendi jumys júrgizý jáne olardy qoldaný aıasyn keńeıtý qajet.

Biz ınnovatsııalyq sheshimderge, onyń ishinde halyqqa elektrondyq qyzmet kórsetý salasyna qashan da qoldaý kórsetetin bolamyz», - dedi Á. Smaıylov Úkimettiń búgingi otyrysynda.

Premer-Mınıstr Іshki ister, Aýyl sharýashylyǵy, Ǵylym jáne joǵary bilim, Indýstrııa jáne ınfraqurylymdyq damý, Densaýlyq saqtaý jáne Qorǵanys mınıstrlikteri boıynsha keıbir qyzmetterdi elektrondy formatta alý múmkin emestigin aıtty.

«Sondaı-aq, Syrtqy ister mınıstrligi men Strategııalyq josparlaý jáne reformalar agenttigi boıynsha qyzmetterdi avtomattandyrý deńgeıi tómen. Tsıfrlyq damý mınıstrligine atalǵan memlekettik organdarmen birlesip, 3 aıda qoljetimsiz memlekettik qyzmetterdi elektrondyq formatqa kóshirýdi tapsyramyn», - dedi Á. Smaıylov.

Ekinshiden, Premer-Mınıstr tsıfrlyq qujattardyń qoldanys aıasyn keńeıte otyryp, olardyń sanyn arttyrý qajettigin aıtty.

«Qoldanystaǵy tsıfrlyq qujattardy barlyq memlekettik organ zańdy túrde moıyndaýy tıis. Sondaı-aq, olardy ártúrli resýrstarǵa ornalastyrý qaýipsizdigin de oılastyrý qajet. Tsıfrlyq damý mınıstrligine ortalyq memlekettik organdarmen birlesip, 2 aıda osy máseleni tehnıkalyq turǵydan iske asyrý josparyn bekitýdi tapsyramyn. Úshinshiden, ortalyq memlekettik organdar men ákimdikterge derekterdi únemi jańartyp turýdy, aqparattyq júıelerdiń toqtaýsyz jumys isteýin jáne olardyń ýaqtyly ıntegratsııalanýyn tapsyramyn. Bul memlekettik qyzmet kórsetýdiń tıimdiligin arttyrady», - dedi Álıhan Smaıylov.

Buǵan deıin Úkimet basshysy bank klıentteri úshin alaıaqtyq jaǵdaılardyń jıilep ketkenine barynsha nazar aýdaryp, klıentterdiń derekterin qorǵaýdy kúsheıtýdi tapsyrǵan edi.


Uqsas jańalyqtar

Jańalyqtar

Úrdis

MURAǴAT