Kóktemgi egis naýqanyna qajet dızel jyldaǵydan bir aı buryn bosatylady
2022 jylǵy 12 qańtar 12:47

Kóktemgi egis naýqanyna qajet dızel jyldaǵydan bir aı buryn bosatylady

NUR-SULTAN. QazAqparat – Naryqtaǵy kenet tapshylyqtyń aldyn alý úshin 200 myń tonna kóleminde munaı ónimderiniń rezervtik qory qurylmaq. Bul týraly QR Energetıka mınıstri Bolat Aqsholaqov Úkimet otyrysynda aıtty, dep habarlaıdy QazAqparat tilshisi.

Mınıstr óz sózinde munaı óńdeý zaýyttarynyń óńdeý merzimi qysqartylatynyn aıtty. Al naryqtaǵy kenet tapshylyqtyń aldyn alý úshin 200 myń tonna kóleminde munaı ónimderiniń rezervtik qorlaryn qurý josparlanyp otyr.

«Munaı óńdeý zaýyttaryndaǵy jóndeý jumystarynyń jáne aýyl sharýashylyǵy taýarlaryn óndirýshiler úshin dızel otynyn tıep-jóneltý merzimderin úılestirý kózdelip otyr. ıAǵnı, aýyl sharýashylyǵy taýarlaryn óndirýshiler úshin dızel otynyn jóneltý aqpan aıynda, burynǵy merzimderden bir aı buryn bastalady», - dedi Bolat Aqsholaqov.

Vedomstvo basshysy munaı bazalaryn esepke alý baqylaý aspaptarymen jaraqtandyrý jumystary aıaǵyna deıin jetkiziletinin aıtty.

«Suıytylǵan gaz naryǵyndaǵy jaǵdaıdy tolyq baqylaýdy qamtamasyz etý maqsatynda mynadaı jedel sharalar qabyldandy:

Suıytylǵan munaı gazyna ýaqytsha memlekettik baǵa retteý engizildi jáne lıtr úshin 50-75 teńge dıapazonyna deıin tómendetýmen bólshek saýda baǵasy bekitildi.

Energetıka mınıstrligi 2 buıryqty bekitti:

1) 2023 jylǵy 1 qańtarǵa deıin saýda-sattyq qaǵıdalaryn toqtata turý boıynsha buıryq, oǵan sáıkes Energetıka mınıstrligi suıytylǵan gazdy elektrondyq saýda-sattyqtan tys ótkizetin bolady;

2) Básekelestikti qorǵaý jáne damytý agenttigi bekitken bólshek saýdadaǵy shekti baǵalarǵa sáıkes keltirý úshin suıytylǵan munaı gazynyń shekti kóterme baǵasyn tómendetý jónindegi buıryq.

Sondaı-aq, búgingi kúni elektrondyq saýda alańdarynan tys ishki naryqqa suıytylǵan gazdy jetkizý josparyn qalyptastyrý qaǵıdalaryna túzetýler engizý boıynsha buıryq ázirlendi.


Jańalyqtar

MURAǴAT