+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Kóktemgi dala jumystaryna 387 myń tonna dızel otyny bólindi – Saparhan Omarov

2020 jylǵy 17 naýryz 10:43
Bólisińiz:
Kóktemgi dala jumystaryna 387 myń tonna dızel otyny bólindi – Saparhan Omarov

NUR-SULTAN. QazAqparat – Kóktemgi dala jumystaryn júrgizýge 387 myń tonna dızel otyny bólindi. Bul týraly Úkimet otyrysynda QR Aýyl sharýashylyǵy mınıstri Saparhan Omarov málim etti, dep habarlaıdy QazAqparat tilshisi.

«Bıyl Energetıka mınıstrligimen kelisim boıynsha aqpan-maýsym aılary aralyǵyna kóktemgi dala jumystaryn júrgizýge 387 myń tonna dızel otyny bólindi. Kúrdeli aýa raıyn eskere otyryp, bizdiń qosymsha 10 myń tonna dızel otynyn bólý týraly ótinishimizdi Energetıka mınıstrligi qoldady. Bul barlyq óńirlerdiń dızel otynyna degen qajettiligin tolyq kólemde óteýge múmkindik berdi», - dedi Saparhan Omarov.

Onyń sózine qaraǵanda, qazirgi ýaqytta óńirlerdiń operatorlary shart jasasý jáne naýryz aıyna bólingen dızel otyny úshin tólem jasaý rásimin júrgizýde.

Óz kezeginde Energetıka mınıstri Nurlan Noǵaev aýyl sharýashylyǵy taýaryn óndirýshiler (AShTÓ) úshin munaı óńdeý zaýyttarynan dızel otynyn tıep-jóneltý birinshi kezekte turǵanyn atap ótti. Bul rette tıep-jóneltý táýlik saıyn baqylanady jáne oǵan monıtorıng júrgiziledi.

«AShTÓ úshin 2020 jyly júrgiziletin egin jumystary úshin dızel otynyna usynylatyn baǵa tonnasyna 194 myń teńgeni qurady. Jetkizý men saqtaýdy esepke alǵanda, boljamdy baǵa lıtrine shamamen 180 teńgeni quraýy tıis, ol janar-jaǵarmaı stansalaryndaǵy baǵalardan 13 teńgege arzan (193 teńge / lıtr). Energııa kózderine álemdik baǵanyń tómendeýi aıasynda kóktemgi egis jumystaryn júrgizý úshin dızel otynynyń baǵasy tonnasyna 194 myń teńgeden tonnasyna 184 myń teńgege deıin tómendetildi. Jetkizý men saqtaýdy esepke ala otyryp, AShTÓ úshin boljamdy baǵa lıtrine shamamen 172 teńgeni quraýy tıis, ıaǵnı bul janar-jaǵarmaı stansalarynyń baǵasynan 21 teńgege arzan. Bul baǵa tek naýryz aıyna ǵana usynyldy, keıinnen dızel otynnyń baǵasy sol kezeńde naryqta qalyptasqan konıýnktýrany eskere otyryp esepteletin bolady. Kúni buryn shart jasasyp jáne tólenip qoıylǵan, biraq tıep-jóneltilmegen kólemderge qaıta esepteýler júrgiziletinin erekshe atap ótemiz. Bul rette, osy norma tıep-jóneltilip qoıǵan kólemderge qoldanylmaıdy», - dedi Energetıka mınıstri.


Bizdiń kanalymyzǵa jazylyńyz:

Basty sózder: Aýyl sharýashylyǵy, QR AShM,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT