+7 (701) 759 90 19
USD 426.99 EUR 514.35
RUB 5.72 CNY 65.96
Jańalyqtar

Kókshetaýdyń irgesinde Botaı mádenıeti qonysyna qazba jumystary júrgiziledi

2021 jylǵy 16 sáýir 20:45
Bólisińiz:
Kókshetaýdyń irgesinde Botaı mádenıeti qonysyna qazba jumystary júrgiziledi

KÓKShETAÝ. QazAqparat - Bıylǵy jyldyń jazynda Aqmola oblystyq tarıhı-ólketaný murajaıynyń qyzmetkerleri óńirde birneshe arheologııalyq zertteýler júrgizýdi josparlap otyr. Sonyń ishinde Kókshetaýdyń irgesindegi Krasnoıar aýylynda mańynda Botaı mádenıeti qonysy ornynda qazba jumystary bar, dep habarlaıdy QazAqparat tilshisi Aqmola oblystyq mádenıet, arhıvter jáne qujattamalar basqarmasyna silteme jasap.

Uqsas jańalyqtar
Kókshetaýda 16 saıajaı órtenip ketti Eki júzden astam aqmolalyq oqýshy respýblıkalyq olımpıadaǵa qatysýda Aqmola oblysynda ashyq aspan astynda mýzeı uıymdastyryldy

Aqmola oblystyq tarıhı-ólketaný murajaıynyń dırektory Qýanysh Shaqshaqovtyń aıtýynsha, Krasnoıar aýyly mańynda neolıt kezeńindegi Botaı mádenıetiniń qonysy bolǵany belgili. Bul jerde 2000 jyldardyń basynda amerıkandyqtar qazba jumystaryn júrgizdi. Sodan keıin súıek materıaldary, artefaktiler, qysh ydysynyń synyqtary, osteologııalyq materıaldar sııaqty kóne arheologııalyq zattar tabylǵan.

«Biraq sodan beri qazba jumystary júrgizilgen joq. Osy jazda biz zertteýdi qaıta bastaǵymyz keledi. Bul jer birneshe qatpardan turady, aýmaǵy úlken shamamen 8-10 gektardy alyp jatyr. Buryn bul jerde 300-den astam úı bolǵan. Adamdar onda óte uzaq ómir súrgen - bir jyl emes, eki jyl emes, tipti 100 jyl da emes», - deıdi Qýanysh Shaqshaqov.

Mýzeı dırektorynyń aıtýynsha, qazba jumystaryn lıtsenzııasy men akkredıtatsııasy bar mýzeıdiń arheolog mamandary júrgizedi. Ekinshi mańyzdy arheologııalyq zertteý «Saryarqanyń tarıhı-mádenı murasy – ejelgi jáne ortaǵasyrlyq mádenıetterdiń sabaqtastyǵy» jobasy bolmaq.

«Burynǵy Kókshetaý, qazirgi Aqmola oblysy aýmaǵynda erte temir ǵasyry kezeńi, ıaǵnı sarmat órkenıeti is júzinde júıeli negizde zerttelmegen. Tek qazba jumystary júrgizilgen jerler keshendi zerttelgen. 2020 jyly biz «Saryarqanyń tarıhı-mádenı murasy – ejelgi jáne ortaǵasyrlyq mádenıetterdiń sabaqtastyǵy» jobasyn usyndyq. 2021 jyly bizdi oblys ákimdigi men mádenıet basqarmasy qoldady. Munda erte temir dáýiriniń eskertkishterin – saq-sarmat órkenıetin, sondaı-aq zertteýshilerdiń nazarynan tys qalǵan orta ǵasyr kezeńin zertteý basty oryn alady» - dep qosty Qýanysh Shaqshaqov.

Osylaısha, zertteýshilerden Aqmola oblysynyń aýmaǵynda ortaǵasyrlyq qalashyqtar, kerýen-saraılar, erte Uly Jibek jolynyń soqpaqtaryn tabý kútilýde.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT