+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Kókshetaýda TJ kezinde 90 adamǵa shara ótkizgen meıramhana ıesi jazalandy

2020 jylǵy 27 naýryz 15:11
Bólisińiz:
Kókshetaýda TJ kezinde 90 adamǵa shara ótkizgen meıramhana ıesi jazalandy

KÓKShETAÝ. QazAqparat - Kókshetaý qalasynyń prokýratýrasy Memleket basshysynyń «Qazaqstan Respýblıkasynda tótenshe jaǵdaıdy engizý týraly» Jarlyǵymen bekitilgen sharalar men ýaqytsha shekteýlerdi júzege asyrý kezinde zańdylyqtyń saqtalýyn qamtamasyz etý maqsatynda mobıldik top quryldy.

Bul týraly QazAqparat Aqmola oblystyq prokýratýrasynyń baspasóz qyzmetine silteme jasap habarlaıdy.

Mobıldik top quramynda prokýrorlarmen birge, polıtsııa, densaýlyq saqtaý, sanıtarlyq qyzmet jáne basqa da múddeli organdardyń qyzmetkerleri bar.

Reıd barysynda aǵymdaǵy jyldyń 25-shi naýryzynda saǵat 21:00 shamasynda Áýezov kóshesi 185 «B» mekenjaıy boıynsha ornalasqan «Smokings» kalıan qyzmetiniń jumys istep turǵany anyqtaldy. Kókshetaý qalasynyń mamandandyrylǵan ákimshilik sotynyń qaýlysymen mekeme ıesi ÁQBtK-niń 476-baby boıynsha ákimshilik jaýapqa tartylyp, oǵan 5 táýlik merzimge qamaýǵa alý jazasy taǵaıyndaldy.

Sonymen qatar, 90-ǵa jýyq adamǵa shara ótkizgen «Túrkistan» meıramhanasynyń menshik ıesine qatysty materıal qaraldy. Kásipkerdiń jasyn (73) jáne kinásin moıyndaýyn eskere otyryp, sot oǵan 10 AEK mólsherinde (26 510 teńge) aıyppul taǵaıyndady.

Aıta keteıik, tótenshe jaǵdaıdy buzǵany úshin ákimshilik jaýapkershilik (ÁQBtK - niń 476-baby – 10 AEK nemese 15 táýlikke deıin qamaýǵa alý), tótenshe jaǵdaı kezinde bılik ókiliniń zańdy talabyna baǵynbaǵany úshin qylmystyq jaýapkershilik (QK-niń 379-baby – 2 myń AEK-ten 2 jylǵa deıin bas bostandyǵynan aıyrý), quqyq qorǵaý organy qyzmetkeriniń zańdy talaptaryna baǵynbaǵany úshin ákimshilik jaýapkershilik (ÁQBtK-niń 667-baby – 40 AEK-ke deıin aıyppul nemese 10 táýlikke deıin qamaýǵa alý) qarastyrylǵan.

Sondaı-aq, sanıtarlyq-epıdemıologııalyq qadaǵalaý organdarynyń nusqamalaryn (ÁQBtK-niń 462-babynyń 3-bóligi – 500 AEK-ke deıin aıyppul), sanıtarlyq qaǵıdalar men gıgıenalyq normalardy (ÁQBtK-niń 425-baby – 5 mln teńgege deıin aıyppul) buzǵany úshin ákimshilik jaýapkershilik belgilengen. Bul rette, kásipkerlik sýbektilerine qatysty qyzmetin toqtata turý túrindegi jaza qoldanylýy múmkin.

Eger mundaı áreketter abaısyzda adamdardyń jappaı juqtyrýyna nemese adam ólimine ákep soqsa, onda qylmystyq jaýapkershilik týyndaıdy (QK-niń 304-baby – 2 myń AEK aıyppuldan 10 jylǵa deıin bas bostandyǵynan aıyrý).

Prokýrorlar shyndyqqa janaspaıtyn málimetterdi taratpaýǵa jáne arandatýshylyqqa berilmeýge shaqyrady. Kórineý jalǵan aqparat taratqany úshin qylmystyq jaýapkershilik kózdelgen (QK-niń 274-baby – 5 myń AEK aıyppuldan 7 jylǵa deıin bas bostandyǵynan aıyrý) eske salady.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT