+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Kókshetaýda múmkindigi shekteýli jandarǵa arnalǵan sport kesheni ashyldy

2020 jylǵy 19 qyrkúıek 13:00
Bólisińiz:
Kókshetaýda múmkindigi shekteýli jandarǵa arnalǵan sport kesheni ashyldy

KÓKShETAÝ. QazAqparat - Kókshetaýda múmkindigi shekteýli jandarǵa arnalǵan «Daryn» sport kesheni ashyldy, dep habarlaıdy QazAqparat tilshisi Aqmola oblystyq ishki saıasat basqarmasyna silteme jasap.

Uqsas jańalyqtar
Alaman báıge: «Elbasy kýbogynda» Bekbolat Tileýhannyń «Baqtorysy» top jardy QHL: «Barys» «Ak Barsty» alty jyldan keıin jeńdi Almatyda qarttar kúnine oraı sporttyq sharalar ótip jatyr

Vedomstvonyń málimetinshe, Vasılkovka shaǵyn aýdanynda ornalasqan keshenniń ashylýyna aımaq basshysy Ermek Marjyqpaev qatysyp, Memleket basshysynyń Joldaýynda aıtylǵan buqaralyq sportty damytý jónindegi mindetterdiń óńirde oıdaǵydaı júzege asyrylyp otyrǵandyǵyn atap ótti.

Eki qabatty jańa sporttyq nysan múmkindigi shekteýli jandardyń dene shynyqtyrýmen jəne sportpen júıeli túrde aınalysýyna jaǵdaı jasaý, barlyq jastaǵy múgedekterdi ońaltý maqsatynda ashylyp otyr.

«Múmkindigi shekteýli jandardyń dene shynyqtyrýmen aınalysýyna múmkindik beretin «Daryn» sport keshenin ashýǵa qol ushyn sozǵan barlyq metsenattarǵa, Aqmola oblysynyń jekpe-jek federatsııasyna shynaıy alyǵysymdy bildiremin», - dedi aımaq basshysy keshenniń ashylý rásiminde.

Nysanda múgedekter úshin jattyǵý tegin, sonymen qatar, qala turǵyndary da abonement júıesi arqyly kelip jattyǵa alady.

Əleýmettik joba jetekshisi Jasulan Jantasovtyń aıtýynsha, keshenniń birinshi qabatynda jattyǵý zaly, kompıýterlik saýattylyqqa úıretetin kabınetter, eGOV óz-ózine qyzmet kórsetý buryshy, saýna, emdeý-massaj kabıneti, al, ekinshi qabatynda jekpe-jek, fıtnes zaldary ornalasqan. Oqý-jattyǵý kəsibı jattyqtyrýshy-oqytýshylardyń nusqaýymen júrgiziledi. Dene shynyqtyrý-saýyqtyrý jəne sporttyq qyzmetterdi kórsetý kezinde de kəsibı nusqaýshylar kezekshilik etedi. Munda saǵatyna 60 adam jattyǵa alady. Múmkindigi shekteýli jandardy keshenge ınvataksı kólikteri jetkizip otyrady.

Aıta ketsek, búgingi kúni Aqmola oblysynda 25 myń múmkindigi shekteýli jan tursa, onyń 30 paıyzy sportpen shuǵyldanady. Olardyń arasynda halyqaralyq, respýblıkalyq jarystarda kóptegen sport túrlerinen top jaryp júrgender bar.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT