Kókshetaýda Memlekettik rámizder kúnine arnalǵan «Meniń týym» sharasy ótti

KÓKShETAÝ. QazAqparat – Kókshetaýda QR Memlekettik rámizder kúnin atap ótý aıasynda «Meniń týym» atty patrıottyq shara ótti, dep habarlaıdy QazAqparat tilshisi.

Uqsas jańalyqtar

Burynǵy áıeliniń mazasyn alǵany úshin 300 saǵattyq qoǵamdyq jumysqa jegildi – ShQO

Atyraý oblysynda sybaılas jemqorlyq deńgeıi tómendedi Olımpıadaǵa irikteý: Sý dobynan Qazaqstan áıelder quramasy Nıderlandydan jeńildi Aqmola oblysynda koronavırýsqa qarsy vaktsınany birinshi kezekte kimder alady

Sh.Ýálıhanov kóshesi, N.Nazarbaev jáne Abylaı han kósheleriniń qılysynda bastalǵan shara «Evrazııa grýpp Kazahstan», «Agrımer astyq», «Kókshetaý sút zaýyty» jáne «Aqsaı nan» seriktestikteri ujymdarynyń ánurandy shyrqaýymen jalǵasty.

Budan keıin Memlekettik rámizderimizdiń mártebesin asqaqtatyp, jastardy patrıotızmge tárbıeleýge baǵyttalǵan «Meniń týym – meniń Otanym» aktsııasy ótti. Aktsııa barysynda memlekettik tý Aqmola oblystyq sotynyń ákimshilik ǵımaraty, Nazarbaev dańǵyly 94 jáne 86 mekenjaı boıynsha ornalasqan «Kókshetaý sıtı» jáne «Alýa stroı» turǵyn úı keshenderi terezeleriniń ár qabatyna elimizdiń Memleketik rámizderine qurmet retinde kók týlar ilindi.

Qala turǵyndaryn QR Memleketik rámizderi kúnimen Q.Shákeev atyndaǵy jas aqyndary mektebiniń basshysy, aqyn Muhamed Qonqaev quttyqtap, jyly lebizin bildirdi.

Shara barysynda jıyrma shaqty kóliktiń qatysýymen «El rámizderi-erkindik nyshany» avtosherýi ótip, qalaishilik qoǵamdyq kólikter men iri saýda oryndarynyń aýlasynda memleketik jalaýshalar uıymdastyrylyp, ánuran oryndaldy.