Kókshetaýda «Qazbat» kórkem fılminiń tusaýkeseri ótti

KÓKShETAÝ. QazAqparat - Kókshetaýda «Qazbat» kórkem fılminiń tusaýkeseri ótti, dep habarlaıdy QazAqparat tilshisi.

Uqsas jańalyqtar

«Umaı» fılmi Slovakııada halyqaralyq festıvalde jeńimpaz atandy

Ádilhan Erjanovtyń fılmi Venetsııa kınofestıvaline qatysady

«Qazbat» kórkem fılmi «Cinema Alem» kınoteatrynda kórsetildi. Fılmdi tamashalaýǵa barǵan Aqmola oblystyq Іshki saıasat basqarmasynyń basshysy Altynaı Ámirenova, Tájikstan aýmaǵynda kóz jumǵan qazaqstandyq jaýyngerdiń anasy Janat Bekebaeva jáne ózge azamattar sóz alyp, jastarǵa partıottyq tárbıe beretin osynaý fılmdi túsirý mańyzyna toqtaldy.

Osy rette, Altynaı Ámirenova Tájik-Aýǵan shekarasyndaǵy qaqtyǵysqa qatysqan qazaqstandyq batalonnyń beıbitshilik ornatýdaǵy mıssııasyna toqtaldy. Sondaı-aq, ol fılmdi túsirýde sol soǵys qımylyna qatysqan ardagerler uıytqy bolǵanyn atap ótti

Aıta keteıik, fılm jelisi Qazaqstan Respýblıkasy tájik qaqtyǵysynda bitimgershilik mıssııasyna qatysqan 1995 jyldyń kókteminde bolǵan oqıǵalar týraly baıandaıdy. 7 sáýirde Pshıharv shatqalynda Qazaqstannyń ishki áskerleriniń jetinshi rotasyna sany kóp sodyrlar qarýly shabýyl jasady. Sol urysta 17 adam qaza taýyp, 33 adam jaraqat aldy. Aýǵan tarapynan shabýyl jasaǵan Tájikstanda zańsyz oppozıtsııa jaýyngerleri bir saǵat ishinde Tájikstan aýmaǵyna asyp ketpek bolǵan. Alaıda, qarsylyqqa tap boldy jáne bes saǵatqa sozylǵan shaıqastan keıin sheginýge májbúr boldy.

Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń Jarlyǵymen qaza tapqan 17 jaýyngerlerdiń beseýi ekinshi dárejeli «Aıbyn» ordenimen, on ekisi «Jaýyngerlik erligi úshin» medalimen marapattaldy. Olardyń barlyǵy birinshi dárejeli «Qyzmette ereksheligi úshin» reseılik medalimen marapattaldy.

Dýshanbede tájik halqyna kómek kórsetkeni úshin qazaqstandyq jaýyngerlerge qurmet belgisi retinde monýment ornatyldy. Elimizdiń elordasynda «Otan-Ana» monýmentiniń janynda 17-shi ishki ásker batyrlaryn eske alý alleıasy men estelik eskertkishi ashyldy, batyrlarǵa arnalǵan eskertkishter Shymkent, Petropavl jáne elimizdiń basqa da qalalarynda bar.

Fılm ıdeıasynyń avtory – QR Ulttyq ulanynyń Bas qolbasshysy general-leıtenant Rýslan Jaqsylyqov, rejısseri - Asqar Uzabaev, fılmniń qoıýshy-operatory Maksım Zadarnovskıı.

Fılmde tanymal akterler Dáýren Serǵazın, Rınat Doshıbekov jáne Halyq Rahat, Saıasat Myrzahmet, Shárıfbek Zákirov, Indıra Shynbolatqyzy túsken.

Kórkem fılm 21 qarashadan bastap elimizdiń barlyq kınoteatrlarynda prokatqa shyǵady. Al, televızııalyq nusqasy kelesi jyly «Qazaqstan» telearnasynda, 7 sáýirde – osy shaıqastyń 25 jyldyǵyna oraı kórsetiletin bolady.