+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Kókshetaýda qazaq tiliniń qoldanys aıasyn keńeıtý júrgizilip jatyr

2021 jylǵy 20 qyrkúıek 02:43
Bólisińiz:
Kókshetaýda qazaq tiliniń qoldanys aıasyn keńeıtý júrgizilip jatyr

KÓKShETAÝ. QazAqparat - Aqmola oblysynyń ishki saıasat basqarmasy Kókshetaý qalasyndaǵy «Rıo» saýda oıyn-saýyq ortalyǵy týraly 2021 jyldyń tamyz aıynda áleýmettik jelige jarııalanǵan rolıkter negizinde «Rıo» saýda oıyn-saýyq ortalyǵynyń ákimshiligimen kezdesip, «Til týraly» jáne «Jarnama týraly» zańdary boıynsha túsindirý jumystaryn júrgizdi, dep habarlaıdy QazAqparat tilshisi vedomstvonyń baspasóz qyzmetine silteme jasap.

Jumys barysynda, «Botai development» aktsıonerlik qoǵamyna qarasty «Rıo» saýda oıyn-saýyq ortalyǵy, «Ortalyq bazar», «Rýbın» saýda oryndaryndaǵy nil zańnamalaryna qaıshy keletin syrtqy jarnamalarsy túzetý qajet ekeni eskertildi.

Sonymen qatar, Aqmola oblystyq oqý-ádistemelik ortalyǵy tarapynan atalmysh saýda oryndarynyń ákimshiligine, satýshylarǵa arnalǵan memlekettik tildi oqytý kýrsynyń ashylatynyn jáne onda qazaq tilin aqysyz úırenýge jaǵdaı jasalatyny aıtyldy.

Qazirgi ýaqytta, ıaǵnı 18 qyrkúıektegi jaǵdaı boıynsha «Rıo» saýda oıyn-saýyq ortalyǵynyń syrtqy aqparattary men jarnamalary qazaq jáne orys tilinde jazylǵan. Ásirese, «Pýls» dárihanasynda Til zańnamalaryna qaıshy keletin aqparattar túzetilgen, keıbir tek orys tilinde jazylǵan aqparattardy alyp tastaǵan. Degenmen, keıbir saýda oryndarynda áli de bolsa, tek orys tilinde jazylǵan aqparattar anyqtaldy. Ol zańbuzýshylyqtar negizinde satýshyǵa Til zańynyń talaptary boıynsha túsindirý jumystary júrgizildi.


««Rıo» saýda oıyn-saýyq ortalyǵynda jáne basqa da saýda oryndarda syrtqy aqparattardy til zańnamalarymen sáıkestendirý jumystary kezeń-kezeńmen júrgizilip jatyr. Al, saýda oryndaryndaǵy barlyq aqparattar men jarnamalardy zańǵa sáıkes jazyp, tutynýshylarǵa qazaq jáne orys tilderinde qyzmet kórsetý úshin biraz ýaqyt kerek», - dep aqparat berdi «Botai development» aktsıonerlik qoǵamynyń kommertsııalyq dırektory A.Táshenov.


Oblystyq ishki saıasat basqarmasynan atap ótkendeı, atalǵan saýda jáne qyzmet kórsetý oryndarynda qazaq tiliniń qoldanys aıasyn keńeıtý jumystary odan ári jalǵasa bermekshi.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT