Kókshetaýda esirtki zattaryn jasyrýmen aınalysqan qyzylordalyq ustaldy
2022 jylǵy 18 mamyr 14:46

Kókshetaýda esirtki zattaryn jasyrýmen aınalysqan qyzylordalyq ustaldy

KÓKShETAÝ. QazAqparat - Kókshetaýda sıntetıkalyq esirtki zattaryn jasyrýmen aınalysqan Qyzylorda qalasynyń 22 jastaǵy turǵyny ustaldy, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, kúdikti 14 mamyr kúni Qopa kóliniń jaǵasynda qolǵa tústi.

«Kókshetaýda sıntetıkalyq esirtki zattaryn jasyrýmen aınalysqan Qyzylorda qalasynyń 22 jastaǵy turǵyny ustaldy. Kúdiktini tintý kezinde odan aq tústi untaq tárizdi 50 polıetılen býmaǵa salynǵan sıntetıkalyq esirtki zaty «pıraleron» tárkilendi. Tabylǵan zattyń salmaǵy shamamen 40 gramdy quraıdy», - dedi vedomstvodan.

Sonymen birge, polıtsııa qyzmetkerleri kúdiktiniń uıaly telefony arqyly esirtki zattaryn salatyn oryndardyń geolokatsııasyn kórsete otyryp, fotoesepter júrgizgenin anyqtady.

«Osyǵan baılanysty Qylmystyq kodekstiń 296-baby 4-bóligi boıynsha sotqa deıingi tergeý amaldary júrgizilýde. Tárkilengen zattar saraptamaǵa jiberildi. Belgili bolǵandaı, kúdikti Aqmola oblysyna birneshe aı buryn Qyzylorda qalasynan kelgen. Ol esh jerde jumys istemeıdi jáne oqymaıdy», - dep tolyqtyrdy vedomstvodan.

Aıta ketsek, Qosshyda jalǵa alǵan úıinde esirtki ósirip kelgen Reseı azamaty ustaldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT