Kókshetaýda eki ǵımaratqa bomba qoıylǵany týraly habar túsken
2022 jylǵy 28 maýsym 11:41

Kókshetaýda eki ǵımaratqa bomba qoıylǵany týraly habar túsken

KÓKShETAÝ. QazAqparat - Kókshetaýda sot ǵımaratyna «jarylǵysh zat» qoıǵan adam izdestirilýde, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, maýsymnyń 28-inde polıtsııaǵa qylmystyq ister jónindegi aýdanaralyq oblystyq sotynyń ákimshilik ǵımaratyn (Potanın kóshesi, 47) kúzetýdi qamtamasyz etetin Mamandandyrylǵan kúzet qyzmeti basqarmasynyń qyzmetkeri habarlasyp, saǵat 09:00-de hatshynyń elektrondyq mekenjaıyna ǵımaratqa jarylǵysh zat qoıylǵandyǵy týraly hat kelip túskendigin aıtty. Oqıǵa ornyna dereý jedel-tergeý toby baǵyttaldy. Patrýldik polıtsııa batalonynyń qyzmetkerleri ákimshilik ǵımarat pen oǵan irgeles aýmaqty qorshap, azamattardyń qaýipsizdigin qamtamasyz etti. Ǵımaratta bolǵan 50-ge jýyq qyzmetkerdi evakýatsııalady.

«Polıtsııa departamentiniń jarylǵysh zattardy zalalsyzdandyratyn mamandary men kınologter sot ǵımaratyn tekserip shyqty. Nátıjesinde jarylǵysh zat tabylǵan joq. Sonymen qatar, saǵat 09:10 shamasynda polıtsııaǵa Kókshetaý qalalyq (Sátpaev kóshesi 8) sottynyń ǵımaratyna jarylǵysh zattyń qoıylǵany týraly habar tústi. Júrgizilgen is-sharalar nátıjesinde jarylǵysh zat onda da tabylǵan joq. Qalalyq sot ǵımaratynan 50-55 adam evakýatsııalandy. Qazirgi kezde polıtsııa jalǵan sóılegen adamdy anyqtap jatyr. Bul aqparat sotqa deıingi tergeýdiń biryńǵaı tizilimine engizildi», - dedi vedomstvodan.

Aıta ketsek, budan buryn Atbasarda ózen jaǵasynan áıeldiń bólshektelgen denesi tabylǵanyn jazǵan edik.


Seriktester jańalyqtary

Jańalyqtar

Úrdis

MURAǴAT