+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Kókshetaýda 80 oqýshynyń "ýlaný" sebebi anyqtaldy

2019 jylǵy 12 qarasha 22:01
Bólisińiz:
Kókshetaýda 80 oqýshynyń

KÓKShETAÝ. QazAqparat – Kókshetaý qalalyq №2 orta mektep lıtseıiniń 80 oqýshysynyń aýyryp qalý sebebi anyqtaldy, dep habarlaıdy QazAqparat tilshisi.

Aqmola oblysy boıynsha taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, balalar ishek ınfektsııasy vırýsyn juqtyrǵan bolyp otyr.

«Tamaqtan ýlaný rastalmady. 80 oqýshynyń barlyǵy sol kúni ashanadan tamaqtanǵan joq. Ata-analarynyń sózinshe, ishek aýrýlarynyń belgileri baıqaldy. Osy rette, aıta ketý kerek, qazirgi kezde vırýsty juqpanyń maýsymy. Birqatar juqpa aýrýlary ish ótý, qusý, bas aınalý, júrek aıný túrinde baıqalady. Sonymen qatar, mektep bólmeleri men jertólelerinde zııandy zattarǵa saraptama júrgizildi. Onyń nátıjesi boıynsha zııandy zattar tabylmady. Qarashanyń 9 jáne 10 kúnderi mektepte dızenfektsııa júrgizilip, súzgi uıymdastyryldy.

Búgingi tańa mekteptiń tamaqtaný blogy ýaqytsha toqtatyldy. Tekseris kezinde birqatar ereje buzylýshylyqtar anyqtaldy. Onyń ishinde bir aspazdyń medıtsınalyq tekseristen ótpegeni, tamaqtaný blogy ıesiniń medıtsınalyq kitapshasy, satyp alynǵan sýsyndar men shyryndardyń sertıfıkattary bolmaǵan», - dedi departament mamandary.

Jalpy oqýshylardyń jaǵdaılary jan-jaqty baqylaýǵa alynǵan. Kún saıyn sabaqqa kelmegen oqýshylarǵa monıtorıng júrgizilýde. Mektep boıynsha kúnine orta eseppen 2 myńnan astam oqýshynyń 90-ny túrli sebeptermen sabaqta bolmaıdy eken.

Aqmola oblystyq balalardyń juqpaly aýrýlar aýrýhanasynyń meńgerýshisi Vıktorııa Pıchkýnovanyń aıtýynsha, qazirgi kezde em alyp jatqan balalardyń jaǵdaıy jaqsy.

«Aýrhanada bolǵan úsh kúnnniń ishinde balalardyń jaǵdaıy jaqsardy. Eshqaısysynyń da qyzýy kóterilip turǵan joq. Tamaqtaryn ishýde, ózderin jaqsy sezinedi. Balalar vırýsologııa boıynsha – ishek juqpasy men bakterııaldy juqpanyń barlyq túrine jan - jaqty tekserilýde. Balalardyń juqpaly aýrýlar aýrýhanasyna qalalyq №2 orta mektep lıtseıinen 14 oqýshy júgindi, qalǵan balalar tekserýden keıin úılerine jiberildi», - dep túsindirdi Vıktorııa Pıchkýnova

Al, Kókshetaý qalalyq bilim bóliminiń basshysy Beıbit Júsipov áleýmettik jelide 250 balanyń ýlanǵany týraly aqparat shyndyqqa janaspaıtyndyǵyn jetkizdi.

«Іshek vırýsy belgileri 80 oqýshyda baıqaldy. Onyń 14 dárigerge júgindi. Qazirgi kezde, 80 oqýshynyń 37 ǵana mektepke barmaıdy. Sondyqtan, karantın jarııalaýdyń qajeti joq, mektepte sabaq shtattyq rejımde júrgizilýde», -dedi qalalyq bilim bóliminiń basshysy.

Eske sala keteıik, osyǵan deıin habarlaǵanymyzdaı, 2019 jylǵy 7 qarashada Kókshetaý qalalyq №2 orta mektep lıtseıiniń 80 oqýshysy bas aýrýy jáne júrek aınýy shaǵymymen sabaqqa barmaǵan bolatyn.

Bizdiń kanalymyzǵa jazylyńyz:

Basty sózder: Aqmola oblysy, Medıtsına, Oqıǵa,
Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT