Kókshetaý mektebinde jarylǵysh zatqa uqsas zat tabyldy
2022 jylǵy 24 mamyr 21:34

Kókshetaý mektebinde jarylǵysh zatqa uqsas zat tabyldy

KÓKShETAÝ. QazAqparat - Kókshetaýda mektep ǵımaratynda tabylǵan kúdikti zatqa baılanysty adamdar evakýatsııalandy, dep habarlaıdy QazAqparat tilshisi.

«24 mamyr kúni Kókshetaý qalasyndaǵy bilim ordasynyń bólmesinde symdary bar qańyltyr banka tabyldy. Osyǵan baılanysty polıtsııa qyzmetkerleri atalmysh aýmaqty qorshap, adamdardy evakýatsııalady. Jarý-tehnık mamandary tabylǵan qurylǵyny zerttedi. Azamattardyń qaýipsizdigi maqsatynda bekitilgen is-qımyl algorıtmine sáıkes, ony sol jerde joıý týraly sheshim qabyldandy. Qajetti qaýipsizdik sharalary saqtala otyryp, jarylys jasaldy», - dep túsindirdi QazAqparat tilshisiniń saýalyna Aqmola oblystyq Polıtsııa departamentiniń baspasóz qyzmetinen.

Vedomstvodan atap ótkendeı, qazirgi ýaqytta oqıǵa ornynda Polıtsııa departamentiniń jedel - tergeý toby jáne jarylǵysh zattarmen jumys isteıtin tehnık mamandar qajetti sharalar atqarýda.

«Tolyǵyraq málimetterdi keıin qosymsha habarlaıtyn bolamyz. Azamattarǵa dúrbeleńge salynbaýǵa jáne tek resmı aqparat kózderine senýdi suraımyz», - dep tolyqtyrdy vedomstvodan.


Jańalyqtar

MURAǴAT