+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Qoǵamdyq monıtorıng: Memqyzmet kórsetetin organdardyń reıtıngi jasaldy

2020 jylǵy 20 qańtar 11:15
Bólisińiz:
Qoǵamdyq monıtorıng: Memqyzmet kórsetetin organdardyń reıtıngi jasaldy

NUR-SULTAN. QazAqparat - Qoǵamdyq monıtorıng aıasynda memlekettik qyzmet kórsetý baǵytynda ortalyq organdardyń reıtıngi jasaldy, dep habarlaıdy QazAqparat.

Uqsas jańalyqtar
Mańǵystaýda memlekettik qyzmettegi bos oryndar sany azaıdy Qazaqstanda 90 myńǵa jýyq memlekettik qyzmetshi bar Memqyzmetshilerdiń jańa Ádep kodeksi jasalady

«Qoǵamdyq monıtorıng qorytyndysy boıynsha memlekettik qyzmet kórsetý baǵytynda ortalyq organdardyń reıtıngi jasaldy. Olarda Ulttyq qaýipsizdik komıteti, Indýstrııa jáne ınfraqurylymdyq damý mınıstriligi (ortasha ball 4,99 jáne 4,95 sáıkesinshe) kóshbasshy bolyp otyr. Reıtıngte Tsıfrlyq damý, qorǵanys jáne aeroǵarysh ónerkásibi mınıstrligi, Energetıka mınıstrligi, Ulttyq bank, Qorǵanys mınıstrligi, Ulttyq ekonomıka mınıstrligi joǵary pozıtsııalarda», - delingen Memlekettik qyzmet isteri jónindegi agenttiktigi málimetinde.

Agenttik málimetinshe, negizinen azamattardyń narazylyǵy keri baılanys sapasyna, memlekettik qyzmet merzimine, sondaı-aq qyzmet kórsetýshi qyzmetkerler quzireti men jedeldiginiń jetispeýshiligine baılanysty boldy.

«Monıtorıng qorytyndysy boıynsha memlekettik qyzmet kórsetý tártibin jaqsartý, sonyń ishinde olardy jeńildetý, qujattar tizimi men merzimin qysqartý, bıznes-protsesterdi avtomattandyrý jáne ońtaılandyrý úshin usynymdar pysyqtaldy. Turǵyndardyń memlekettik qyzmet kórsetý sapasy boıynsha qanaǵattanýy deńgeıi 74,8 paıyz (bes baldyq baǵan boıynsha ortasha baǵa 4,73 baldy qurady) bolsa, bul ótken jylǵydan 2,4 paıyzǵa joǵary», - delingen habarlamada.

Mamandardyń pikirinshe, turǵyndarǵa qyzmet kórsetýmen baılanysty «Azamattarǵa arnalǵan úkimet» memlekettik korporatsııasy men memlekettik organdar jumysyn ońtaılandyrý jónindegi jumystardy jalǵastyrý qajet. Bul jerde Memlekettik korporatsııa fılıaldary men memlekettik organdar arasyndaǵy sapaly ózara baılanys ta mańyzdy.

«Ókiletti memlekettik organdarǵa qatysty aıtar bolsaq, onda elektrondyq memlekettik qyzmet kórsetý «bir tereze» qaǵıdatyna tolyq sáıkes kelýi jáne ákimshiliktik kedergilerge jol bermeýi tıis. Mysaly, elektrondyq ótinish berýdiń keıbir jaǵdaılarynda qyzmet alýshynyń qujattardy jetkizip berý, kórsetiletin qyzmet qorytyndysyn alý jáne ózge de qyzmetter úshin memlekettik organdarǵa jeke barýyna týra keledi. Qyzmet kórsetýshiler bul málimetterdi memlekettik organdardyń bazasynan ózderi suratyp alýy qajet. Bul lıtsenzııalardy, ruqsattamalardy, qorytyndylardy, anyqtamalardy jáne ózge de qujattardy jınaý men berýmen baılanysty kóptegen protsesterdi aıtarlyqtaı jedeldetýge jáne jeńildetýge múmkindik beredi», - dep atap ótilgen agenttik usynysynda.

Sonymen qatar, úıde beriletin memlekettik qyzmetter tizimin keńeıtý múmkindigin qarastyrý qajettigi aıtyldy. Sondaı-aq úıinde otyryp qyzmet alýǵa quqyǵy bar azamattar kategorııasy tizimin keńeıtý kerek. Óıtkeni múgedekterge ǵana emes, sonymen qatar jasy boıynsha zeınetke shyqqandar, kópbalaly analar úshin qyzmet kórsetý oryndaryna barý keıbir qıyndyqtardy týdyrady.

Budan buryn habarlanǵandaı, Qazaqstanda memlekettik qyzmet kórsetý sapasyn monıtorıngileý boıynsha áleýmettik zertteýler júrgizý aıaqtaldy.

Ol Memlekettik qyzmet isteri jónindegi agenttiktiń memlekettik áleýmettik tapsyrysy aıasynda atqaryldy. Qoǵamdyq monıtorıng qorytyndysy boıynsha reıtıngte eń joǵary baǵa alǵan memlekettik qyzmetter anyqtaldy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT