+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Qoǵamdyq baqylaý týraly zań jobasyn ázirleıtin jumys toby quryldy

2020 jylǵy 12 qyrkúıek 12:33
Bólisińiz:
Qoǵamdyq baqylaý týraly zań jobasyn ázirleıtin jumys toby quryldy

NUR-SULTAN. QazAqparat – Aqparat jáne qoǵamdyq damý mınıstri Aıda Balaeva «Qoǵamdyq baqylaý» týraly zań jobasyn ázirleıtin jumys tobynyń quramyna Prezıdenttik jastar kadrlyq rezervinen iriktelip shyqqan jastardy shaqyrdy, dep habarlaıdy QazAqparat tilshisi.

Aıta ketsek buǵan deıin Aıda Balaeva qoǵamdyq baqylaý fýnktsııasyna ıe uıymdardyń tizimin keńeıtý kerektigin aıtty. Onyń aıtýynsha pandemııa kezinde 300-ge tarta belsendi azamat dári-dármek baǵasynyń turaqtylyǵy, gýmanıtarlyq kómekti bólý, medıtsınalyq uıymdardyń jumysyna qoǵamdyq baqylaý júrgizý jumystaryn atqarǵan.

«Qazir qoǵamdyq baqylaýshylar shaǵyn jáne orta bıznes sýbektilerinde, halyq kóp jınalatyn oryndarda, saýda ortalyqtarynda qadaǵalaý jumystaryn júrgizip, maska men áleýmettik qashyqtyq rejıminiń saqtalýyn baqylaýda. Qaı jerde zańsyz toılardyń ótip jatqanyn da anyqtap jatyr. Sol sebepti osy máselelerdiń bári de qoǵamdyq baqylaý týraly jeke zańnyń bolýy kerektigin aıqyndaı túsedi. Ol týraly Prezıdent Joldaýynda aıtqan edi. Biz búgingi kúni jumys tobyn qurdyq. Ol atalmysh zańnyń kontseptsııasyn daıyndaıdy», - dedi Aıda Balaeva Prezıdenttik kadrlyq rezervtegi jastarmen kezdesý barysynda.

Mınıstrdiń aıtýynsha ol jumys tobyna úkimettik emes uıymdardyń ókilderi, halyqaralyq jáne qazaqstandyq sarapshylar, Ulttyq keńes músheleri enedi. Aıda Balaeva osy jumys tobyna atalmysh jıynda Prezıdenttik jastar kadrlyq rezervinen iriktelgen azamattardy da shaqyrdy.

«Zań jobasynyń negizgi novellalary qoǵamdyq damý ınstıtýttaryn jetildirýge baǵyttalǵan. Sonymen qatar bul zań memlekettik organdar men kvazımemlekettik organdardyń ashyqtyǵy men eseptiligin qamtamasyz etedi», - dedi ol.


Eske sala ketsek búgin elordada Prezıdenttik kadrlyq rezervtegi jastar birqatar mınıstrmen kezdesý ótkizdi. Naqtyraq aıtqanda iriktelip, rezervke engen jastarmen kezdesýge Aqparat jáne qoǵamdyq damý mınıstri Aıda Balaeva, Tsıfrlyq damý, ınnovatsııalar men aeroǵarysh ónerkásibi mınıstri Baǵdat Mýsın, Prezıdent ákimshiligi basshysynyń orynbasary Málik Myrzalın, sondaı Prezıdenttiń kómekshisi Erlan Qarın shaqyrylǵan. Basqosýdyń basty maqsaty – Prezıdent Joldaýyn talqylap, aldaǵy ýaqytta Prezıdenttik jastar kadrlyq rezervin damytyp, júzege asyrýdy josparlaý.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT