«Qoǵamdyq baqylaý týraly» Zań jobasy qoǵam men memleket úshin paıdaly – saıasattanýshy

ALMATY. QazAqparat - Saıasattanýshy Edýard Poletaev «Qoǵamdyq baqylaý týraly» Zań jobasyna qatysty óz oıyn aıtty, dep habarlaıdy QazAqparat tilshisi.

Uqsas jańalyqtar

Lıma Dıas ÚEU jumysy jaıynda: Qoǵam talqylaýyna syndarly pikirlerdi engizý kerek

Aıda Balaeva: Azamattyq uıymdar jeke bastyń emes, qoǵam ıgiligi úshin qyzmet etedi Aıda Balaeva Sýma Chakrabartımen kezdesti

Spıkerdiń aıtýynsha, qazirgi ýaqytta bul zań jobasy keń qoǵamdyq saraptamadan ótýde.

«Atalǵan zań jobasy «Halyq únine qulaq asatyn memleket» tujyrymdamasynyń bir bóligi. Ol Memleket basshysynyń 2020 jyldyń 1 qyrkúıegindegi Joldaýynan bastaý alady. Bul zań tujyrymdamasynyń ózi úkimettik emes uıymdardyń mańyzdylyǵyn jáne Qazaqstandaǵy azamattyq qoǵamnyń rólin kórsetetindigin moıyndaý kerek. Salystyrý úshin men reseılik tujyrymdamany qaradym, olarda 2014 jyly shyqqan zań bar. Qýanarlyǵy reseıdiń zańyna múldem uqsamaıdy, ıaǵnı qaıtalamaıdy. Zań jobasy áli talqylanyp jatqanymen, ol naqty jazylǵan. Men onyń sapaly ekenin atap ótkim keledi. Bul qoǵamǵa jáne jalpy memleketke paıdaly syndarly tásil», - dedi Edýard Poletaev.

Aıta keteıik, Aqparat jáne qoǵamdyq damý mınıstri Aıda Balaeva «Qoǵamdyq baqylaý týraly» Zań jobasyn talqylaý úshin Almaty qalasy Qoǵamdyq keńesiniń múshelerimen kezdesti.