Qoǵam jańasha damyp, barlyq kúsh halyqtyń turmysyn jaqsartýǵa baǵyttalatynyna úmit artamyn – senator
2022 jylǵy 12 qańtar 11:11

Qoǵam jańasha damyp, barlyq kúsh halyqtyń turmysyn jaqsartýǵa baǵyttalatynyna úmit artamyn – senator

NUR-SULTAN. QazAqparat – QR Parlamenti Senatynyń depýtaty Narıman Tóreǵalıev eldegi jaǵdaıǵa qatysty pikir bildirip, Memleket basshysy júktep otyrǵan mindetterdiń mańyzdylyǵy týraly aıtyp berdi, dep habarlaıdy QazAqparat tilshisi.

«Memleket basshysy eldegi turaqtylyqty saqtap qalý úshin lańkestikke qarsy operatsııa jalǵasatynyn aıtty. Jáne olardyń betin qaıtarmaıynsha operatsııa toqtamaıdy. Kópti tolǵandyrǵan kelesi másele ujymdyq qaýipsizdik sharty uıymynyń áskeri. Bitimgershilikke kelgen áskerge qatysty Memleket basshysy, sarapshylar men halyqaralyq uıymdar da aıtyp, jazyp jatyr. Bul jerde eshqandaı alańdaýshylyq joq, mıssııa bitken soń bitimgerler óz elderine ketetinin Memleket basshysy taǵy da qaıtalap aıtty. Endigi jaıt jańa Úkimettiń aldynda turǵan mindet. Prezıdent jańa Úkimetke biraz tapsyrma berip otyr. Mysaly, ortasha jalaqynyń artynda qandvı jasyryn máseleniń baryn kórýge bolatyny. Ol degenimiz qoǵamdaǵy teńsizdik. ıAǵnı, tabysyna baılanysty jikke bóliný», - dedi Narıman Tóreǵalıev.

Halyq qalaýlysynyń aıtýynsha, eldegi jumyssyzdyq, azyq-túlik baǵasynyń turaqsyzdyǵy men kommýnaldyq qyzmet baǵasynyń ósýi de halyqtyń qaltasyna salmaq túsirip otyr.

«Osyndaı áleýmettik qordalanǵan máselelermen qatar elde bolǵan jappaı tártipsizdik kezinde qarýly kúshterdiń arasynda ózara baılanystyń joqtyǵy, odan qaldy olardyń materıaldyq-tehnıkalyq turǵydan qamtylýy tıisti deńgeıde emes ekendigi anyqtaldy. Bul Memleket basshysy aıtqandaı, quqyq qorǵaý organdaryn reformalaý qajet ekendigin kórsetti. Prezıdent elimizdiń endigi damý jolyn kórsetip, jańasha serpin berdi. Úkimet aldyna úlken mindet qoıyldy. Sondyqtan barsha qazaqstandyqtardy, áriptesterimdi Prezıdent tapsyrmalaryn oryndaýda tııanaqty jumys isteýge jáne qoldaýǵa shaqyramyn», - deıdi ol.

Sondaı-aq, senat depýtaty óńirlerdiń damý deńgeıindegi aıyrmashylyqqa toqtalyp ótti.

«Biz óńirlerdi aralap, halyqpen kezdesip júrgende jıi qozǵalatyn máselelerdi Prezıdent keshe taǵy aıtyp ótti. Ol áleýmettik teńsizdik, aımaqtardyń damýyndaǵy alshaqtyq, qarjynyń tek dárejede bólinbeýi taǵy sol sııaqty. ıAǵnı aımaq ákiminiń bedeli bolsa, sol óńirge qarajat kóp bólinedi degenge saıyp tur. Al basqa aımaqqa qarajat jetispeı jatady. Sondyqtan ondaı jaǵdaıdy boldyrmaý maqsatynda Qasym-Jomart Toqaev oǵan jeke toqtaldy. Endigi ýaqytta qoǵam jańasha damyp, barlyq kúsh halyqtyń turmysyn jaqsartýǵa baǵyttalatynyna úmit artamyn - dedi N. Tóreǵalıev.


Jańalyqtar

MURAǴAT